24 03 13 Исидор Барахов master скачать в хорошем качестве

24 03 13 Исидор Барахов master

"Исидор Барахов. Күн ууһун көмүскэлигэр" документальнай киинэ. Саха судаарыстыбатын төрүттээччилэртэн биирдэстэрэ - Исидор Никифорович Барахов аата өр кэмнэр усталарыгар хайдах эрэ тумнулла, махталлаах үлэтэ, оҥорбут дьайыыта ситэ сырдатыллыбакка турбуттара. 2013 с. Үөһэ Бүлүү улууһун баһылыга Владимир Поскачин, Исидор Барахов Саха сирин көҥүлүн уонна чэчирии сайдыытын туһугар анаабыт олоҕун көрдөрөр киинэни устарбар кэпсэппитэ. Бу киинэҕэ мин Исидор Бараховы саҥа олоҕу түстэспит төлөннөөх революционер эрэ быһыытынан буолбакка, кини быһаарыылаах кэмҥэ хотойдуу хорсун санааны ылынар, күн ууһун көмүскэлигэр кэлбит Айыы бухатыырын курдук кэннинэн кэхтибэт эр киһи; "саха дьоно саҥа былааһы утары туруута - былаас бэйэтин буруйа, "кыһыл террор" аҕалбыт атаана" диэн былаас алҕаһын-сыыһатын билинэригэр күһэйбит, эйэлээх кэпсэтиини, тупсууну тэрийбит ырааҕы ырыҥалыыр бэлиитик; ааҕар-суоттуур дьоҕурунан эдэр өрөспүүбүлүкэ олоҕун-дьаһаҕын тупсарбыт салайааччы быһыытынан көрдөрөргө кыһаллыбытым. Оонньотон устар (постановочные съемки) түгэннэргэ Үөһэ Бүлүү норуодунай тыйаатырын артыыстара, Харбалаах нэһилиэгин дьоно-сэргэтэ кыттыбыттара, ол иһигэр оҕолор. Устууга бэйэм режиссердаабытым, таҥан оҥорбута режиссер Мария Сунхалырова.