Ақтауда 80-ге жуық зауыт жұмысшысы облыс әкімінен көмек сұрайды скачать в хорошем качестве

Ақтауда 80-ге жуық зауыт жұмысшысы облыс әкімінен көмек сұрайды

Ақтауда «Шыны пластикалық құбырлар зауытының» 80-ге жуық жұмысшысы облыс әкімінен көмек сұрайды. Себебі, олар қысқартуға ұшырап, бір-ақ сәтте тұрақты табыстан айырылып қалған. Жалғыз жалақыға қарап отырған жандар жылдың басында басқа жұмыс табу да қиын деп отыр. Ал, кәсіпорын басшысы бұл мәжбүрлі шешім деп ақталды. Қаржылық қиындықтардың кесірінен қызметкерлердің санын азайтудан басқа амал жоқ деп отыр. Тараптарды әріптесім Махаббат Нұржанқызы тыңдап келді. Бұл – жоғары қысымға төзімді шыны пластик құбырларын шығаратын зауыттың жұмысшылары. Ұзақ жылдан бері өндіріс ошағында еңбек еткен жандардың кешелі бері тынышы қашқан. Басшылықтан қысқарту туралы хабарлама алған 76 адам ертеңі үшін алаңдайды. МӘНШҮК ТҰРЖАНОВА, зауыт жұмысшысы: Бізде сегіз айдан бері жұмыс жоқ, жұмыссыз жатырмыз 50 процентте. Онымен семья асырап, бала-шаға бағу деген оңай емес, қазіргі қымбатшылық кезде. Енді қысқарту болады дейді. Жұмыс жоқ болса, қай жаққа баратынымызды білмей отырмыз сөздің шынына келгенде. Осы жатырғанда "шықпа жаным шықпа" деп зорға шығып отырмыз. Жиналғандардың дені бір үйдің жалғыз асыраушысы. Сегіз айдан бері айлықтың жартысын алып жүрген жұрт қарызға онсызда белшеден батқан. Тұрақты табыстан айырылсақ жағдайымыз тіптен қиындайды деп отыр. Көпшілік кәсіпорынның жұмысына қан жүгірту үшін бұрынғыдай мұнай компаниясының құрамына қайта өте орынды шешім дейді. АРМАН ТАЙЛАҚОВ, зауыт жұмысшысы: Артымызда қаншама бала-шаға бар, кредиттеріміз бар. Бір-бір отбасын асыраушы мыналар мына жерде тұрған. Бұрын енді "МаңғыстауМұнайГаздың" кезінде бұл заводта мұндай проблема туындамаған. Жекеменшік сенімгерлік басқаруға кеткеннен кейін жыл сайын еңбек дауынан көз ашпай келе жатырмыз. Жұмысшылардың жанайқайын облыс әкімінің орынбасары тыңдап, мәселенің мән-жайын анықтаймыз дейді. Ал, серіктестік басшысы қызметкерлердің санын азайтудан басқа амал жоқ деп отыр. ДАНИЯР ШМАНОВ, «ШЫНЫ ПЛАСТИКАЛЫҚ ҚҰБЫРЛАР ЗАУЫТЫ» ЖШС басшысы: Бізде конкуренция көп болып тұр Қазақстанда. Тағы бір жақында Алматыда зауыт ашылды дәл осындай зауыт. Оларда новый технология болып тұрған соң олардың себестоимосты арзан болып шығып тұр. Екі цехқа бізде объемдар жоқ жасайтын. Сол себептен сокращениеге жіберіп жатырмыз. МАХАББАТ НҰРЖАНҚЫЗЫ, тілші: Осылайша, тараптар ортақ келісімге келе алмады. Зауыт басшылығы шешімді өзгертпеймін деп кесіп айтты. Себебі, банкрот болудың алдында тұрған компанияда бас-аяғы 185 адам еңбек етеді. Барлығына бірдей айлық төлейтін ақша жоқ дейді. Сондықтан облыс әкімдігіне келген көпшілікке жағдайға түсіністікпен қарап, қазірден бастап басқа жұмыс іздеуге кеңес береді. #Информбюро #31арна #БастыЖаңалықтар #Новости #31канал