Tv Klan - Shkupi vishet kuqezi! скачать в хорошем качестве

Tv Klan - Shkupi vishet kuqezi!

Mijëra qytetarë nga Maqedonia e Veriut, Kosova dhe Shqipëria iu bashkuan këtë të shtunë protestës së mbajtur në Shkup, në mbështetje të ish‑krerëve të Ushtrisë Çlirimtare të Kosovës që po gjykohen në Hagë. Ashtu si në tubimet e mbajtura më herët nga organizata e veteranëve të UÇK‑së në Prishtinë, Tiranë, Bruksel dhe Strasburg, edhe këtë herë nuk munguan pankartat, simbolet kombëtare dhe thirrjet për drejtësi ndaj të akuzuarve. Kreu i organizatës së veteranëve, Hysni Gucati, teksa kërkoi drejtësi për ish‑krerët e UÇK‑së, e krahasoi Gjykatën e Hagës me ato të ish‑Jugosllavisë. Ali Ahmeti, ndër themeluesit e UÇK‑së dhe aktualisht kreu i BDI‑së, hodhi poshtë akuzat për të cilat akuzohen ish‑krerët e UÇK‑së nga Gjykata Speciale e Hagës. Ndaj ai i bëri thirrje Gjykatës së Hagës lirimin e ish‑krerëve dhe kthimin e tyre në shtëpi. Kjo ishte protesta e pestë e organizuar nga organizata e veteranëve të UÇK‑së. Tubimi zgjati për disa orë, teksa qytetarët e pranishëm ishin të shumtë. Një pjesë e tyre mësohet se përshkuan disa orë rrugë për të qenë të pranishëm në Shkup për tubimin e thirrur. Protesta ishte paqësore, ndërsa atmosfera u dominua nga atdhetarizmi i të gjithë të pranishmëve, një pjesë e të cilëve mbanin flamuj dhe simbole kombëtare edhe gjatë udhëtimit apo kalimit në pikat kufitare. Ish‑presidenti Hashim Thaçi, ish‑kryetarët e Kuvendit Jakup Krasniqi dhe Kadri Veseli, si dhe ish‑deputeti Rexhep Selimi ndodhen në paraburgim në Hagë që nga viti 2020. Ata akuzohen për krime lufte dhe krime kundër njerëzimit gjatë luftës së fundit në Kosovë, akuza për të cilat të katër ish‑zyrtarët e lartë janë vetë deklaruar të pafajshëm. Tv Klan SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/