Қырық хадис. 1-дәріс. Кіріспе 1. Ұстаз: Омар Теміртас скачать в хорошем качестве

Қырық хадис. 1-дәріс. Кіріспе 1. Ұстаз: Омар Теміртас

Ән-Нәуәуидің алғы сөзі Бисмилләһир-Роһманир-Роһим Әлемдердің Раббысы, көктер мен жердің сақтаушысы, барлық жаратылыстарды басқарушы болған, сондай-ақ, адамдарды тура жолға бастау, оларға анық дәлелдер мен айғақтар көмегімен дін қағидаларын түсіндіру міндеті жүктелген елшілерді жіберуші Алла Тағалаға мадақ! Бізге берген барлық нығметтері үшін Оған мақтау айтып, Өзінің кеңшілігі және жомарттығымен бізге үсті-үстіне арттыра түсуін сұраймын. Еш серігі болмаған жалғыз басқарушы, жомарт, кешіруші бір Алладан басқа құлшылыққа лайық еш тәңір жоқ екеніне куәлік етемін. Жаратылыстардың абзалы ұлылығы мен мұғжизасы жылдан жылға жалғасушы, Құран мен тура жол іздеушілерді нұрландыратын сүннетпен құрметтелген, сөзді мазмұндау және дінді жеңілдету қасиетімен жекеленген пайғамбарымыз Мухаммад Алланың құлы әрі елшісі, сүйіктісі әрі халилі екеніне куәлік етемін. Пайғамбарымызға, өзге де пайғамбарлар мен елшілерге, олардың барлығының отбасына және барша игі кісілерге Алла Тағаланың салауаты мен сәлемі болсын! Бізге Али ибн Әбу Талиб, Абдулла ибн Масғуд, Муғаз ибн Жәбәл, Әбу Дәрда, Ибн Омар, Ибн Аббас, Әнәс ибн Мәлик, Әбу Һурайра және Әбу Сағид әл-Худриден (Алла оларға разы болсын) әртүрлі риуаяттармен Пайғамбарымыздың ﷺосындай сөздері жеткен: "Кімде-кім үмметім үшін дін ісіне қатысты қырық хадисті жатқа білсе, Алла Тағала оны Қиямет күні фақиһтер мен ғалымдар арасында тірілтеді". Бір риуаятта: "Алла Тағала оны фақиһ, ғалым етіп тірілтеді". Әбу Дәрда риуаятында: "Мен оған Қиямет күні шапағат етуші және куәлік беруші боламын". Ибн Масғуд риуаятында: "Оған: «Жаннаттың қалаған есіктерінен кір» деп айтылады". Ибн Омар риуаятында: "Ғалымдар тобынан деп жазылып, шәһидтермен бірге тіріледі". Хадис ілімінің ғұламалары осы мағынадағы риуаяттардың көптігіне қарамастан бұл хадистің әлсіз екеніне бірауыздан келіскен. Алайда олар (Алла оларға рақым етсін) қырық хадис мәселесінде көптеген еңбектер жазған. Менің білуімше, мұндай еңбекті алғашқы Абдулла ибн әл-Мубарак жазып бастаған. Содан соң бұл тақырыпта тақуа ғалым Мухаммад ибн Әсләм ат-Туси, Хасан ибн Суфьян ән-Нәсәуи, Әбу Бәкір әл-Ажурри, Әбу Бәкір Мухаммад ибн Ибраһим әл-Асфаһани, әд-Дәрақутни, әл-Хаким, Әбу Нуғайм, Әбу Абдур-Рахман әс-Суләми, Әбу Сағд әл-Мәлини, Әбу Осман әс-Сабуни, Абдулла ибн Мухаммад әл-Ансари және Әбу Бәкір әл-Бәйһақи сияқты бұрын және кейінгі өмір сүрген көптеген ғалымдар өз еңбектерін жазған. Мен де сол көрнекі ғұлама имамдардың үлгісімен қырық хадис жинақтауыма қолдау көрсетуін сұрап, Алла Тағалаға жалбарындым.