ملحمة الشواهيق \ سالم سيار ,, قصيده وطنية عن السعودية скачать в хорошем качестве

ملحمة الشواهيق \ سالم سيار ,, قصيده وطنية عن السعودية

http://www.salemsayar.com من هنا بدء الكتابه من هنا مر الرسول كانت الدنيا صحابه صارت كتاب وخيول ديننا مثل السحابه ظلل جهات وفصول ديننا دين الرحابه ديننا دين العقول للمجد للدلة لتراحيب الاشعار شبيت عمري والقلم شب عمره حطيت قلبي من على جمر الانظار الحب ينبض والغلا زاد جمره صبيت من روحي تهاويل الاحرار من شف قلبي ينتخي فيه صدره ما دام ابو فيصل يوكر بالافكار والقلب ينبض داخل عيون حره الا اطول القلب من حب الابرار واجيب من جمر المعاليق زفره هذا الفهد رحمه وتباشير وامطار المجد يشرب من ينابيع نهره نسل السعود اللي بهم طيب الاذكار القدر ياخذ من تعاظيم قدره ومضت جبين ومرتفع فوق الاقمار من قبضة أمعزي ضوت فيه شذره ضمي النخاوي ترتوي منه لاثار نور هقاوي العود في وسط قبره جنحان خيره ضفت بلاد وأعمار ومخلاب شره يعطب الشر شره أصدق من النيه بتسابيح الاذكار وارحب من النظره على ابعاد فكره في جفنه الايمن تراحيب الانوار وفي جفنه الايسر تصاريف بحره وأن شفت بالدنيا تهاويل الابحار شفت البحر يغرق على كف عمره المجد .. المجد دايم للسلاطين طيار بس أنت غير الناس من صرت وكره نجد هي علم الشهامه والأصول شامخة بعزة جبين رجالها سرمديه هي تطول اللي تقول مايطول المجد رفعة بالها ليلها سيوف وبواريد وخيول وفجرها ثورة حنين بلالها صبحها فضه تراحيبٍ ولول والمسى فورة شروق دلالها سولفت للبحر في عين الذلول وللبدو فلت هوى يامالها لاضحكت ترقى تهاويل السيول ولازعلت دور على حلالها مهرةٍ ماتعشق الا من الفحول طنخة معزي ونخاوي عيالها شدها معزي على الشده عجول شدها بحبل الكرمه ونالها قادها يرقى شواهيق الفعول روض عيون الصعاب وشالها من علو الدين كل شيٍ تطول ومن شروق السيف زاد ظلالها من ملوك الارض كل طهرٍ تنول همهم مكه وعفة شالها نجد هي علم الصحابه والرسول ساجده بعزة جبين رجالها نش السحاب بعزة الراس والطيب من ذكر أبو متعب ننوش السحابه من بين حجانه حرارى ومخاليب ومن بين كفينه سمو الرحابه بشته يضف الارض عز ومواجيب وراسه ينوش الغيم عز ومهابه من قهوة جدوده تفوح التراحيب ومن هقوة سعوده يهوش بجنابه أطيب من المرحب بعين المعازيب وأرحم من الدمعه بعين الغلابه نصف البلد منه جبال ولواهيب ومن نصفه الثاني نسايم هضابه ياطا شواهيق الفعل والشخانيب فعلٍ يهول قلب هول الغرابه من كثر مابراسه يخيل المراقيب تميل من راسه عزاوي الأعصابه ميلة عقال وطنخةٍ بالأساليب من ميلته عدل الهقاوي تهابه شامخ على روس الشواميخ ومهيب هيب مطانيخ العرب والقرابة ان قلت أبو متعب تموت العذاريب وان قلت أبو متعب تهوش الربابة اللي بفعله يلمس القلب ويطيب واللي بعزه تنتشي به سبابه طفلٍ يشيلك داخل الروح ويجيب فعلك عشان الروح تسمو مهابه نشت السحاب بعزة الراس والطيب من ذكر أبو متعب أنوش السحابة . . . شعر .. سالم سيار زوروا موقع الشاعر سالم سيار ,, http://www.salemsayar.com