IMUT DUN ANĠ - IL-FUNDATUR TA’ DAR NAZARETH скачать в хорошем качестве

IMUT DUN ANĠ - IL-FUNDATUR TA’ DAR NAZARETH

ONE.COM.MT • Ftit tal-ħin ilu tħabbret il-mewt ta’ Dun Anġ Seychell, li kien il-fundatur ta’ Dar Nazareth fiż-Żejtun. Naraw. IMUT DUN ANĠ - IL-FUNDATUR TA’ DAR NAZARETH DUN ANĠ FUNDATUR, DAR NAZARETH “Għedtilhom li jiena d-dar nixtieq nagħtiha lill-persuni b’diżabilità, għax jiena nixtieq naqsam ħajti dejjem mal-ifqar fost il-fqar, u issa aktar, għax issa d-dar tajtielhom, id-dar m’għadiex tiegħi.” Propju ftit tal-jiem ilu, Dun Anġ Seychell, fundatur tal-Fondazzjoni Dar Nazareth, kien ta dawn il-kummenti sbieħ. Dawn kellhom ikunu minn tal-aħħar intervisti li ta, hekk kif is-Sibt waranofsinhar tħabbret il-mewt tiegħu, fl-età ta’ 91 sena. Kien propju b’dawn il-kliem li qasam l-ħsibijiet tiegħu mal-pubbliku, minn fuq is-sodda li kien rikoverat fiha. Hawnhekk għadda l-messaġġ tiegħu għall-maratona ġbir ta’ fondi bl-isem ‘Bis-Saħħa ta’ Kulħadd’, li se tiġi organizzata nhar il-Ħadd tmienja ta’ Settembru fuq l-istazzjonijiet kollha, inkluż l-istazzjon ONE. Minbarra saċerdot, Dun Anġ kien ukoll kittieb, opinjonista u filantropu. Jibqa’ mfakkar ukoll bħala persunaġġ li għamel differenza fil-ħajja ta’ tant Maltin, direttament ma’ persuni b’diżabiltà u indirettament mal-familjari tagħhom u ma’ tant oħrajn minn kull ambjent tal-ħajja, fejn saħansittra baqa jmexxi hu stess djar fiż-Żejtun li fihom jgħixu dawk l-aktar vulnerabbli. Kellu imħabba bla qies għal dawn il-persuni vulnerabbli. DUN ANĠ FUNDATUR, DAR NAZARETH “Huma l-aktar nies illi huma neqsin. Għalija l-persuni b’diżabilita’ huma l-aktar nies illi huma mċaħħdin, dik hi l-kelma, imċaħħdin. Għax m’għandhom xejn. Meta jkolli l-inqas ħaġa tarahom inkwetati, dak huwa sinjal illi r-rispett huwa reċiproku kemm tagħhom lejja kif ukoll tiegħi lejhom.”