有種好男人丨陳自瑤唯美照引熱話 Ali笑言收視福利圖靠對方 скачать в хорошем качестве

有種好男人丨陳自瑤唯美照引熱話 Ali笑言收視福利圖靠對方

有種好男人丨陳自瑤唯美照引熱話 Ali笑言收視福利圖靠對方 有種好男人丨陳自瑤唯美照引熱話 Ali笑言收視福利圖靠對方 陳自瑤Yoyo早前喺社交平台po出多張唯美嘅性感照，引起網民熱烈討論。呢日Yoyo同Ali李佳芯、徐榮、胡諾言、趙希洛、張國強同林正峰等出席劇集《有種好男人》宣傳，就大方回應呢件事，Yoyo話自己影相目的唔係為咗性感同尺度大唔大，而係想試下平時日常生活，又或者拍戲唔會試到嘅嘢，仲話希望大家係用唯美嘅角度去睇呢件事，而唔係用性感角度去睇呀。Ali聽完Yoyo咁講，即時突然盲腸咁話：「平時拍攝見唔到嘅⋯⋯咁即係可以好大尺度喎！」然後再話《有》劇過26點收視的話，派福利一事就交畀Yoyo負責。 講到劇中Ali對馬德鐘芳心暗許，但因為對方有女朋友而要「姑姐」Yoyo出手相助，呢日佢哋講起呢個「戀愛腦」嘅姑姐都話頂佢唔順，連Yoyo自己都話劇中所有人嘅感情線，無論係戀情定親情都好似關佢事咁，不過講到佢喺劇中係真幫忙定幫倒忙，Yoyo就話留返觀眾自己收睇搵答案喇。 胡諾言喺劇中角色似隨傳隨到嘅工具人，呢日佢就拍因為監製錫住佢，覺得好人嘅角色啱佢，但講到劇情繼續發展落去，會唔會有機會同到Ali一齊？胡仔就大賣關子叫大家要追看落去。而徐榮亦賣關子，話劇中抗拒戀愛嘅佢，嚟緊會有一位真命天女出現。趙希洛就指劇中嘅佢，將會同Yoyo一做出啲好古怪嘅行為，佢笑言可以監製見佢平日演嘅角色都係瘋瘋癲癲，所以先安排呢個角色畀佢。 #有種好男人 #陳自瑤 #Yoyo #性感 #唯美 #床照 #戀愛腦 #李佳芯 #徐榮 #胡諾言 #趙希洛 #張國強 #林正峰 #TVB #無綫新聞 #News #StayHome #WithMe #跟我一樣 #宅在家