ئازاری شان....هۆکار و چارەسەر скачать в хорошем качестве

ئازاری شان....هۆکار و چارەسەر

ئازاری شان بۆ هێندە بڵاوە و چارەسەری چییە؟ ------------------------------------------- هیچ جومگەیەکی جەستە هێندەی شان مەودایەکی فراوانی جووڵەی نییە، ئەمەش لەسەر حسابی پتەویی جومگەکەیە، چونکە بۆ ئەوەی شان و قۆڵ وا بە سەربەستی بجووڵێن بە هەموو لایەکدا، کەمترین سنووری ئێسکی هەیە و زیاتر بە ژێ و بەستەر و ماسولکە قایمکراوە، بۆیە ئەگەری ماندووبوون و نەخۆشکەوتنیشی زۆرە، بەهۆی بزێوی زۆر جووڵانەکەشی، ناتوانین وەکوو پێویست پشووی پێبدەین و بەردەوام دەیکولێنینەوە، بۆیە ئازاری شان لە بڵاوترین ئازارەکانی جومگەیە کە بەهۆیەوە سەردانمان دەکرێت لە کلینیک. هۆکارەکانی: １- هەوکردن و هەڵاوسانی بەستەر و ژێیەکانی شان ２- گرژبوون و توندبوونی کەپسولی چواردەوری جومگەکە (شانی جامبوو) ３- زبربوونی ئێسکی ناو جومگەکە و تەسککردنەوەی ڕێڕەوی بەستەرەکانی ناو جومگەکە ４- هەوکردنی کیسە سابوونییەکەی سەرووی جومگەکە ５- سووان (سەوەفان)لە شوێنی پێکگەیشتنی کەلـلەی ئێسکی قۆڵ و دەفەی شان ６- سووان (سەوەفان)لە شوێنی پێکگەیشتنی ئێسکی چەڵەمە و دەفەی شان ７- هەوکردنی ڕۆماتیزمیی جومگەکە ８- هەندێکجار گرفتەکە فەقەراتی ملە و تۆ لە شان و قۆڵدا هەستی پێدەکەیت ９- جاریش هەیە جەڵتەی دڵە و لە شاندا هەستی پێدەکرێت! １０- پووکانەوەی کەلـلەی ئێسکی قۆڵ بەهۆی نەڕۆیشتنی خوێن بۆی １１- لەجێچوون و درز و شکاویی دوای زەبر پشکینین: پزیشک بە گوێگرتن لە نەخۆشەکە، پاشان پشکنینی دەستی و ڕووبەڕوو گەڵاڵەی هۆکارەکە دەکات، دواتر بڕیار دەدات ئایا پشکنینی دیکە پێویستن؟ وەکوو: １- تیشکی ئێکس (ئەشیعەی ئاسایی) ２- سۆنەر ３- سیتی سکان ４- ڕەنینی موگناتیسی ５- پشکنینی خوێن چارەسەری چییە؟ تاوەکوو هۆکارەکەی نەدۆزرێتەوە، ئاسان نییە چارەسەرێکی سەرکەوتووانەی بۆ بکرێت، بۆیە دەبێت پزیشکی ئێسک و جومگە دەستنیشانی بکات و چارەسەری بکات. چارەسەرەکە بەپێی جۆرەکەیە، بە گشتی لە زۆربەیاندا یەکێک یان زیاتر لەمانە پێویستە: １- ڕێنمایی و ڕاهێنان و چارەسەری سروشتی و فیزیایی ２- دەرمانی کۆنترۆڵکردنی ئازار و هەوکردن ３- دەرزیی ڕاستەوخۆ بۆ: ناو جومگەکە، نزیک بەستەرە هەوکردووەکە یان کیسە سابوونییە هەوکردووەکە ４- دوور نییە پێویست بە نەشتەرگەریش بکات ５- ئەگەر هۆکارەکە لە دەرەوەی شان بوو، دەبێت ئەو هۆکارە چارە بکرێت ........ د. سەروەر سالار چوچانی پزیشکی پسپۆڕی ئێسک و جومگە و ڕۆماتیزم