Top Channel/ Dëshmia tronditëse e autorit që qëlloi Astrit Kalanë: Ja pse e vrava скачать в хорошем качестве

Top Channel/ Dëshmia tronditëse e autorit që qëlloi Astrit Kalanë: Ja pse e vrava

Tirana u trondit nga një ngjarje e rëndë mesditën e 6 tetorit, kur brenda sallës së Gjykatës së Apelit u vra me armë zjarri magjistrati Astrit Kalaja. Gazetarja e Top Channel Anila Hoxha ka siguruar dosjen e hetimit, duke zbardhur të plotë deklaratën e autorit të vrasjes së gjyqtarit, Elvis Shkambi. Sipas dosjes së Prokurorisë, lexuar nga Top Channel, Shkambi ka deklaruar se ditën e ngjarjes, është nisur nga Shkodra me xhaxhanë e tij, Gjon Shkambi, për të qenë prezentë në gjyqin që do të mbahej në mesditë për çështjen e tyre pronësore. Ai deklaron se të dy ata fillimisht ishin ndalur në Lezhë, kishin pirë kafe ngushëllimi tek disa të afërm të tyret, dhe më pas kishin mbërritur në Tiranë. Ai përshkruan gjithë veprimet që ka kryer deri në momentin e vrasjes dhe më pas dorëzimit para efektivëve…. Pas mbërritjes në Tiranë, 30-vjeçari ka parkuar makinën dhe më pas, me armën që mbante në brez, është futur në sallën e gjyqit, ku shoqëronte xhaxhanë si palë në proces. Gjatë kohës kur kanë qenë duke pritur të niste gjyqi, ai ka parë edhe Ragip Kurtaj me të birin, që ishin pala tjetër në proces, por nuk kanë pasur asnjë komunikim mes tyre. Shkambi rrëfen se ka qenë prezent në sallën e gjyqit, dhe pas gjyqtari Astrit Kalaja ka dhënë vendimin, ai ka nxjerrë nga brezi armën (që e mbante prej 10 vitesh pa leje, por thotë se nuk e ka përdorur kurrë), e ka mbushur, i ka hequr siguresën dhe ka shtënë në drejtim të gjyqtarit. Gjyqtari ka qenë duke u larguar drejt dhomës së këshillimit kur është qëlluar disa herë në pjesën e sipërme të trupit. Shkambi thotë se ka qenë i tronditur dhe në gjendje shoku pas vendimit, dhe pasi e ka qëlluar, ka shtënë sipas tij në mënyrë të pavetëdijshme edhe një herë nga dera ku kanë qenë duke u larguar me vrap Ragip Kurtaj dhe djali i tij, të cilët mbetën të plagosur, por ai thotë se nuk kishte qëllim të gjuante drejt tyre sepse problemin nuk e kishte me ta. Më tej në dëshminë e tij, thotë se i është afruar trupit të gjyqtarit, që ishte thuajse i rënë përtokë, dhe thotë se e pa që ishte gjallë dhe i vetëdijshëm. Në ato momente pranë tij ka qenë sekretarja gjyqësore, e cila e frikësuar i ka thënë: Të lutem, të lutem. “Qetësohu, nuk kam gjë me ty”, i ka thënë ai dhe më pas është larguar nga salla. Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #AstritKalaja#TopChannelNews