“Unë dhe ti”/ Olsi sheh Ornelën nuse për herë të parë, propozon me fjalët më të bukura të dashurisë скачать в хорошем качестве

“Unë dhe ti”/ Olsi sheh Ornelën nuse për herë të parë, propozon me fjalët më të bukura të dashurisë

Historia e dashurisë së Olsit dhe Ornelës mori shkas nga një telefonatë e gabuar prej tij, por që do të kthehej në lidhjen e zemrave. Diçka që u mendua si aventurë, më pas një takim kur të dy ishin në të 18-at dhe ende shumë të vegjël për të vendosur t’i përkisnin njëri-tjetrit. Do të duhej vetëm pak kohë para se të nisnin një kapitull të ri, krah njëri-tjetrit, me gjithë sfidat që sjell jeta. Disa prej tyre Olsi i ndau në “Ka Një Mesazh Për Ty” nga “E Diela Shqiptare” në Tv Klan duke theksuar gjithnjë forcën dhe mbështetjen që ajo i ka dhënë. Janë dashur kur nuk kishin asgjë veç dashurisë, të cilën gjithnjë kanë dashur ta festojnë me një dasmë. Kjo ëndërr ka mbetur e parealizuar për shumë kohë, por festat bëjnë gjithnjë të mundur që të prekemi nga magjia. Olsi është përpjekur të realizojë këtë surprizë për Ornelën, një propozim në studio, por nuk e di se ajo tashmë e ka mësuar dhe ka veshur fustanin e bardhë të aq shumë ëndërruar. Ornela gjendet pas tij dhe Olsit i mbetet vetëm të kthehet e ta shohë të veshur nuse për herë të parë, teksa merr kutinë ku gjenden unazat dhe gjunjëzohet para saj. Olsi: A e pranon këtë unazë për gishtin tënd, ta pranosh dhe zemrën time, të vdes në prehrin tënd? Ornela: Me gjithë qejf, e pranoj! Këtu dhe në botën e përtejme, gjithmonë bashkë! Në studio u bashkohen edhe vajzat, Laura e Lea, të veshura po me fustane të bardha, të cilat ndjekin momentin kur Ornela i propozon Olsit. Ornela: Ti a pranon të martohesh me mua? Olsi: Po, me gjithë zemër! Me gjithë zemër dhe me gjithë shpirt! Ndërsa Ardit Gjebrea mbush gotat me shampanjë për çiftin dhe zonjat e publikut që vijnë në studio për të shoqëruar çiftin, Olsi sjell atmosferën me një këngë popullore. Ornela: Doja ta falënderoja Olsin për gjithë gjërat që ka bërë, për familjen tonë, për kujdesin, për ne të dy, kemi shumë vite bashkë dhe jam shumë e lumtur. Nuk di si ta përshkruaj. Si çdo dasmë që s’mund të mungojë vallëzimi i çiftit, Olsi e Ornela kërcejnë nën melodinë e këngës së tyre të dashurisë, “Unë dhe ti” të Alban Skënderajt. E Diela Shqiptare, programi më popullor në të gjitha familjet shqiptare, vjen çdo të diel. Një program i cili përfshin një fashë orari maratonë, prej 6 orësh transmetim live. Struktura e programit: “Ka një mesazh për ty”, “Quiz me 5 Yje”, “Të panjohurit”, “Kujdes shëndetin”, “Telebingo shqiptare”, “Shihemi në gjyq”, “Power Kidz”, etj. Ndërsa që prej vitit 2003, bashkëprodhon me Klan festivalin më prestigjioz të muzikës moderne shqiptare, “Kënga Magjike”, live nga Pallati i Kongreseve. #EDielaShqiptare #ArditGjebrea #TVKlan #olsi #ornela #dhender #dashuri #nuse #geraldinasposa #jonipeci#fustan #martese #enderr