Top News/ Donald Trump vjen në Evropë / Merr pjesë në rihapjen e katedrales Notre Dame скачать в хорошем качестве

Top News/ Donald Trump vjen në Evropë / Merr pjesë në rihapjen e katedrales Notre Dame

Donald Trump do të marrë pjesë në ceremoninë që do të zhvillohet në fundjavë për rihapjen e katedrales së restauruar të Notre Dame-t në Paris, në udhëtimin e tij të parë jashtë vendit si president i zgjedhur i SHBA-së, njoftoi ai në mediat sociale. Ndërtesa 850-vjeçare e cila u shkatërrua nga një zjarr në vitin 2019 do të mirëpresë vizitorët dhe adhuruesit sërish këtë të shtunë dhe të dielë dhe me dhjetëra liderë botërorë pritet të jenë mes të ftuarve. “Është një nder për mua që të njoftoj se do të udhëtoj për në Paris, Francë, të shtunën për të marrë pjesë në rihapjen e Katedrales së mrekullueshme dhe historike Notre Dame, e cila është restauruar plotësisht pas një zjarri shkatërrues pesë vjet më parë”, shkroi Trump në rrjetin e tij social “Truth”. Presidenti francez Emmanuel Macron, i cili vendosi qëllimin ambicioz për rindërtimin e Notre Dame brenda pesë vitesh, kreu një inspektim të punimeve të premten, duke thënë se punëtorët kishin bërë "të pamundurën" duke shëruar një "plagë kombëtare". Trump shkroi në Truth Social se Macron kishte "bërë një punë të mrekullueshme duke siguruar që Notre Dame të rikthehej në nivelin e saj të plotë të lavdisë, dhe akoma më tepër. Do të jetë një ditë shumë e veçantë për të gjithë!" shkroi ai. Pasi Trump mori detyrën për herë të parë në vitin 2017, marrëdhëniet e tij me Macron kishin fillimet e një “bromance”. Më vonë marrëdhëniet u ftohën ndërsa lideri amerikan vazhdoi me një tërheqje të qëndrueshme nga multilateralizmi që nganjëherë binte ndesh me pozicionin e Macron. Ndërsa zjarri shkatërroi katedralen e famshme në vitin 2019, Trump kërkoi përdorimin e bombarduesve me ujë për të shuar zjarrin, duke u bërë objekt talljeje për shërbimet franceze të zjarrfikësve. Rreth 250 kompani dhe qindra ekspertë u angazhuan përfundimisht për restaurimin që kushtoi në total afro 700 milionë euro. Restaurimi u financua nga 846 milionë euro donacione që u derdhën nga 150 vende në shenjë solidariteti. Pamje:AFP Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#Trump#Evrope