✅Жаңыланган Ош унаа базары скачать в хорошем качестве

✅Жаңыланган Ош унаа базары

🔹Ош унаа базарынын корей өндүрүшүндөгү автоунаалар сатылган бөлүгү оңдоп-түзөөдөн өткөрүлүп, пайдаланууга берилди. Иш-чарага мэр Жеңишбек Токторбаев, төрага Болот Баетов жана тургундар катышты. 🔹Жалпы 1500гө жакын унаа баткан бул бөлүктө бардык керектүү шарттар түзүлдү. Буга чейин автоунаа базарынын башка бөлүгүндө да оңдоо иштери жүргөн болчу. 🔹Быйылкы жылы унаа базары жайгашкан жер тилкеси айыл чарба багытынан коммерциялык багытка которулуп, унаа базары толугу менен реконструкциядан өткөрүлүп, заманбап шарттар түзүлдү. базардын ички аянтына асфальт төшөлдү; кошумча 2 навес салынды; коммерциялык багытында имараттар курулду; жалпы аянты 108 чарчы метр 31 ашкана салынды; канализация, таза суу, газ тартылды; заманбап акылдуу шлагбаумдар коюлду; аянты темир решеткалар менен тосулду жана жарыктандырылды; видео байкоо системасы орнотулду; автоунаа базарынын аянты 2.5 гектарга кеңейтилди (мурда 2500-2600гө жакын автоунаа батса, азыркы учурда 4 200 унаа батат). ошондой эле автоунаа жуучу жай, ажатканалар да курулду. 🔹Бул жумуштар Ош шаарынын мэри Жеңишбек Токторбаевдин демилгеси менен ишке ашып, тыкыр көзөмөлү астында бүткөрүлдү. Унаа базарга келген сатуучулар жана кардарларга ыңгайлуу шарттар толугу менен түзүлдү. Эми жылдын бардык мезгилинде Ош унаа базары татыктуу кызмат көрсөтөт. 🔹Оңдоп-түзөөдөн кийин тейлөө системасы санарип форматка өткөрүлүп, мурдагыдай колма-кол акча жыйноо жоюлду. Бардык төлөмдөр электрондук түрдө жүргүзүлүүдө. Анын натыйжасында унаа базарынын кирешеси өстү. Алсак, өткөн жылдары жылына орточо 20-25 млн. сом түшкөн болсо, быйылкы жылы оңдоп түзөөдөн кийинки 3 айда эле 35 млн. сомго жакын киреше жыйналган. _____________________ Маалыматтык камсыздоо бөлүмү #Ош_мэрия