مواقف الأيام | بن جدلان وبن عون ومستور والزلامي | خالد دخيل الله & خالد ال بريك | حصرياً скачать в хорошем качестве

مواقف الأيام | بن جدلان وبن عون ومستور والزلامي | خالد دخيل الله & خالد ال بريك | حصرياً

مواقف الايام تعطيني على الدنيا عبور لين اسهج الدار المريفه واعتلي شاهوقها في مدهل سباع الخلا والجارحات من الطيور يطيب نسناس البراد لرغبتي ويشوقها الناس محتاجه امل بين الثواني والشهور والا تغص صدورها لو ماتغصّ حلوقها مايفتح ابواب الفرج الا مفاتيح الصبور ولاينثر الغرّ المزون الا لميع بروقها ولايحفظ اسرار البشر الا مغاليق الصدور يكسر قلوب اهل الهوى والعشق صادق شوقها الروس يخذلها الكبر والنفس يخذلها الغرور والعين تدمع بالدموع ليا انجرح معلقوها ويلي على مفردة ابن جدلان من بين الشطور او وصف ابن عون لعشيقه من غزل معشوقها او من بيوت محاوره لاقال خلوها مستور او من بيوتٍ للزلامي لا ابتدى طاروقها مازالو ركون الشعر ورموز الى يوم النشور والمبدعين اللي معاهم مانقصنا حقوقها مثل النجوم الساريه مسرى الذيابه والنمور ماتاهو دروب البسيطه والمطله فوقها مايملي عيون العرب الا مواجيب الامور كنز القناعه مافنى لو فاضيٍ صندوقها لاحان ميقافي على الميعاد ماني بمعذور عطيته الدره ثمينه غاليه في سوقها ماجابها الا الماهر اللي يغوص في سبع البحور اما كذا لاجات والا مانعود طروقها ليالي العمر الهنيه بعد وافقها السرور تشرق بنورٍ مثل نور الشمس عند شروقها في حفل محزمنا سعد يطيب للشعر الحضور في مدحه ليامرت الفكره على منطوقها ياحي عين اللي يمد الطيب والاسم مخبور في طايل الطالات طالاته على مرموقها يطلب سنام المرجله والعزم ماصابه فتور حر الحرار اللي على الهده تتل سبوقها واخوانه اخوان السعد اللي يمدون الجسور للخوّه ورفقه على وضح النقا وشفوقها يشرون نوماس المعالي قبل يشرون القصور باعو بخيل المال من شجره رديه عروقها يقفون في وقت اللوازم والمبادي ماتبور عون الجماعه والخوي مافيه شي يعوقها ابنا دخيل الله ابن براك وافين الشبور عساه في جنة نعيم وسلسبيل يذوقها امداح الافعال العظيمه مايوصفها شعور ترعد مخايلها على قبره هميل شنوقها ضيفه على شداد الكرامه وكيف خولاني يدور والعود الازرق في مباخر للضيوف يسوقها ويبرك المفرود وعيال الغنم جوف القدور والسمعه الزينه وكل الكايدات يفوقها ذوده من الوضح الغوالي لو لها المال مخسور وضحٍ يلاعب رايح الغربي سبال شدوقها لادرهمت درهام والهوبال بالصوت الجهور مرباعها قفر الفياض المرتوي زملوقها الوسم فوق رقابها الحيه على مر العصور اللابه اللي متيهه بين المفالي نوقها مركي عتيبه في سما المجد المخلد كالبدور قبيلةٍ بين القبايل تختلف بفروقها الاد عاصم ينحتون الفخر في صم الصخور اهل الرماح اللي مضاربها وساع فتوقها ياسيرةٍ أزكى من المسك المعتق والعطور تبقى لعتيبه شامخه من برّقاها لروقها