(ប្រសាសន៍ដើម)៖ សម្តេចបវរធិបតី ហ៊ុន ម៉ាណែត៖ រាជរដ្ឋាភិបាល​កម្ពុជាតែងតែយកចិត្តទុកដាក់ និងផ្តល់... скачать в хорошем качестве

(ប្រសាសន៍ដើម)៖ សម្តេចបវរធិបតី ហ៊ុន ម៉ាណែត៖ រាជរដ្ឋាភិបាល​កម្ពុជាតែងតែយកចិត្តទុកដាក់ និងផ្តល់...

សម្តេចបវរធិបតី ហ៊ុន ម៉ាណែត៖ រាជរដ្ឋាភិបាល​កម្ពុជាតែងតែយកចិត្តទុកដាក់ និងផ្តល់សេរីភាពជំនឿសាសនាយ៉ាងទូលំទូលាយដល់ប្រជាជនទូទៅគ្រប់និកាយសាសនា (ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងថា រាជរដ្ឋាភិបាលកម្ពុជា​តែងតែយកចិត្តទុកដាក់ និងផ្តល់សេរីភាពជំនឿសាសនាយ៉ាងទូលំទូលាយដល់ប្រជាជនទូទៅ ដែលឈរលើមូលដ្ឋាននៃការពង្រឹងសុខដុមនីយកម្ម​សាសនិក នៃគ្រប់និកាយសាសនា និងប្រឆាំងនូវរាល់ទង្វើរើសអើងដែលអាចបង្កវិបត្តិសាសនា។ សម្តេចមហាបវរធិបតី ហ៊ុន ម៉ាណែត បានថ្លែងដូចនេះនាល្ងាចថ្ងៃទី២៤ ខែមីនា ឆ្នាំ២០២៥នេះ នាឱកាសដែលសម្តេចអញ្ជើញពិសាអាហារស្រាយបួសជាមួយ​បងប្អូនខ្មែរ-ឥស្លាម។ ពិធីនេះក៏មានការចូលរួមពី​លោកបណ្ឌិត Johari Bin Abdul ប្រធានរដ្ឋសភាម៉ាឡេស៊ី និងលោក Dato’ Ahmad Azam Abdul Rahman បេសកជនពិសេសប្រទេសម៉ាឡេស៊ីប្រចាំកម្ពុជាផងដែរ។ សម្តេចមហាបវរធិបតី ហ៊ុន ម៉ាណែត បានថ្លែងដូចនេះថា «រាជរដ្ឋាភិបាល​តែងតែ​យក​ចិត្តទុកដាក់ និងផ្តល់សេរីភាពជំនឿសាសនាយ៉ាងទូលំទូលាយដ​ល់​ប្រជា​ជនទូទៅ ដែលឈរលើមូលដ្ឋាននៃការ​ពង្រឹងសុខដុម​នីយកម្ម​សាស​និក នៃគ្រប់និកាយសាសនា, ប្រឆាំងនូវរាល់ទង្វើរើសអើងសំដៅ​ទប់ស្កាត់​ការ​យកសាសនា ទៅធ្វើអាជីវកម្មដែលអាចបង្កវិបត្តិសាសនានៅកម្ពុជា»។ សម្តេចមហាបវរធិបតី ហ៊ុន ម៉ាណែត បានថ្លែងថា កម្ពុជាពិតជាមាន​មោទន​ភាព​​ចំពោះប្រជាពលរដ្ឋរបស់ខ្លួនដែលគោរពកាន់សាសនាផ្សេងៗគ្នា ប៉ុន្តែមានសាមគ្គីគ្នាយ៉ាងល្អ មិនត្រឹមតែជាមោទនភាព​សម្រាប់​កម្ពុជា​នោះទេ តែក៏ជាមោទនភាពសម្រាប់ប្រទេសនៅក្នុងតំបន់ និងពិភពលោកផងដែរដែលប្រទេសជាច្រើនបានកោតសសើរចំពោះសុខដុមនីយកម្មសាសនា​នៅកម្ពុជា តាមរយៈគោលនយោបាយ​ដ៏ត្រឹមត្រូវ​របស់រាជរដ្ឋាភិបាល ដែលមានកិច្ចសហការល្អ ជាមួយគ្រប់ស្ថាប័ន អង្គភាព ក៏ដូចជា ដៃគូពាក់ព័ន្ធ ដើម្បី​ធ្វើឱ្យមានប្រសិទ្ធភាពខ្ពស់លើការងារ និងបង្កភាពងាយស្រួលជូនប្រជាពល​រដ្ឋគ្រប់សាសនិកនៅកម្ពុជា ទាំងបច្ចុប្បន្ន និងទៅអនាគត។ សម្តេចមហាបវរធិបតី ហ៊ុន ម៉ាណែត ក៏បានបង្ហាញមោទនភាពដែលកន្លង​មកលោក អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស បានចូលរួមក្នុងសន្និសីទអន្តរជាតិឥស្លាម នៅតាមតំបន់ជាច្រើន ដើម្បីផ្សព្វ​ផ្សាយអំពីភាពសុខដុមនីយកម្មជាតិសាសន៍ និងសាសនានៅកម្ពុជា។ ជាក់ស្ដែងកាលពីពេលថ្មីៗនេះនៅរាជធានីភ្នំពេញសម្តេចបានចូលរួមពិធី​អន្តរជាតិធំៗ ចំនួនពីរមានដូចជា៖ ទី១៖ កិច្ចប្រជុំកំពូលឥស្លាម ក្រោមប្រធានបទ «ឥស្លាម និង ពុទ្ធសាសនា» រៀបចំដោយអង្គការសម្ព័ន្ធពិភពឥស្លាម(RABITA) ដែលជាលើកទី១ នៅលើទឹកដីកម្ពុជា ហើយក៏ជាលើកទី ១ នៅលើសកលលោក។ ទី២៖ ការរៀបចំសន្និ​បាត​លើកទី២០ របស់អង្គការក្រុមប្រឹក្សាផ្សព្វផ្សាយឥស្លាមតំបន់អាស៊ីអាគ្នេយ៍ និងប៉ាស៊ីហ្វិក (RISEAP) ដែលមានតំណាងមកពីបណ្តាប្រទេសចំនួន២៥ បានបង្ហាញពីសាមគ្គីភាព និង សុខដុមនីយកម្មជាតិសាសន៍ និង​សាស​នានៅកម្ពុជាដែលសម្តេចតេជោ ហ៊ុន សែន បានខិតខំកសាង និងថែទាំយ៉ាងយកចិត្តទុកដាក់ជាទីបំផុតដោយហេតុថា កត្តាទាំងនេះគឺជាធាតុផ្សំមិនអាចខ្វះបាននៃសន្តិភាព និងស្ថិរភាពយូរអង្វែងរបស់កម្ពុជា៕