Қостанайлық жас кәсіпкер ауылдан ет өңдейтін цех ашты скачать в хорошем качестве

Қостанайлық жас кәсіпкер ауылдан ет өңдейтін цех ашты

Ауылымды өркендетуге аз да болса өз үлесімді қосу азаматтық парызым деп білемін. Қостанайлық жас кәсіпкер Қадыржан Мақанғали осылай дейді. Алматы технологиялық университетінің докторанты туған жері Қостанай облысының Қамысты ауылында ет өңдейтін цех ашты. Мұндағы құрал-жабдықтарды да қазақстандық ғалымдар өздері құрастырып шығарды. Қадыржан Мақанғали ұлттық ет тағамдары түрлерін, оны дайындау технологиясын жетілдіру мақсатында үш-төрт жылдан бері ғылыми зерттеу жұмыстарын жүргізіп келеді. Жетістіктері де жоқ емес. Жылқы етінен жасалған қазысы өзінің жаңашылдығымен 2015-2016 жылдардың инновациялық тағамы деген атаққа ие болды. Тіпті Германияда өткен байқауда жоғары бағаланып, алтын медальмен марапатталды. Қадыржан Мақанғали, докторант, кәсіпкер: -Жая, қазы атты ет тағамдарын біз ерекше тұзықта тұздаймыз. Сосын оны арнайы қондырғыларда өңдейміз. Одан кейін бізде арнайы рецептура бойынша жасалған термиялық өңдеуден өткіземіз. Және осыдан бәрі ерекше тәтті, ерекше тіл үйіретін дәм береді. Ғылыми жаңалықтарын өндіріске енгізу үшін Қадыржан туған ауылы Қамыстыда ет өңдейтін цех ашуды жөн көрді. Осы мақсатта үш миллион тенге мемлекеттік грантқа ие болып, отандық ғалымдармен бірлесіп дайындаған қондырғыларды сатып алады. Оның сапасы шетелдікінен еш кем емес, ал бағасы екі есе арзан. Гүлжан Тоқышева, технолог: -Бұл әмбебап термокамера. Барлық үрдістер жаңағы пісіру, қуыру, ыстау бір осы термокамераның ішінде басқа еш жаққа шығармай бірден жасалады. Яғни осы бір камераның ішінде 3 сағаттың ішінде шұжық дайын өнім болып шығады. Шағын цехта қазы, жая, қимай, жартылай ысталған шұжық өндіріледі. Күні кеше ғана ашылған өндіріс орны бір ауысымда 100 келі ет өнімдерін шығауға қауқарлы. Жас кәсіпкер онымен шектеліп қалмақ емес. Авторлары: Мағауия Қалиев, Сергей Трахтенберг