Dosja AKSHI, priten aksione të reja nga SPAK e BKH/ Të implikuar politikanë dhe emrat të biznesit скачать в хорошем качестве

Dosja AKSHI, priten aksione të reja nga SPAK e BKH/ Të implikuar politikanë dhe emrat të biznesit

Në dy javët e fundit, në Shqipëri ka shpërthyer një skandal i rëndë që lidhet me institucionin AKSHI, ku dyshohet për korrupsion dhe fiksim paraprak tenderash. Në qendër të hetimit janë përfshirë biznesmenët Ergys Agasi dhe Ermal Beqiri. Sipas burimeve zyrtare, hetimet e SPAK kanë dokumentuar skemën korruptive përmes materialeve filmike, të sekuestruara në një nga ambientet e biznesmenit Ergys Agasi. Por ajo që ka rënduar më tej situatën është fakti se në këto ambiente janë gjetur edhe dhjetëra video dhe fotografi të tjera, të cilat, sipas burimeve, implikojnë politikanë, elementë të Policisë së Shtetit, si dhe figura të njohura të botës së biznesit, të dyshuara për përfshirje në afera të paligjshme. Ky zhvillim ka tensionuar ndjeshëm klimën politike dhe institucionale në fund të vitit, ndërsa priten aksione të reja nga SPAK dhe BKH. Në veçanti, kjo situatë është reflektuar në Tiranë dhe Durrës, ku që nga dita e premte e deri më sot është vërejtur mbyllja e një numri të konsiderueshëm ambientesh bar-kafe. Këto ambiente, të njohura për transmetimin e ndeshjeve sportive në disa ekrane njëkohësisht, janë konsideruar prej kohësh si pika të dyshuara të aktivitetit të basteve të paligjshme. Hetimet vijojnë, ndërsa pritet që ditët në vijim të sjellin zhvillime të reja.