സമസ്ത നൂറാം വാർഷികം വാർത്ത സമ്മേളനം മലപ്പുറം.. скачать в хорошем качестве

സമസ്ത നൂറാം വാർഷികം വാർത്ത സമ്മേളനം മലപ്പുറം..

സമസ്ത നൂറാം വാർഷികം: വിളംബര സമ്മേളനം ശനിയാഴ്ച കോട്ടക്കലിൽ; പതിനായിരം പണ്ഡിതന്മാർ അണിനിരക്കും മലപ്പുറം: സമസ്ത കേരള ജംഇയ്യത്തുൽ ഉലമയുടെ നൂറാം വാർഷികാഘോഷങ്ങൾക്ക് ആവേശോജ്ജ്വലമായ തുടക്കമാകുന്നു. സെന്റിനറി ആഘോഷങ്ങളുടെ വിളംബര സമ്മേളനം ഫെബ്രുവരി 14 ശനിയാഴ്ച മലപ്പുറം കോട്ടക്കൽ ബഹ്‌റുൽ ഉലൂം നഗരിയിൽ നടക്കും. വൈകുന്നേരം നാലു മണിക്കാണ് സമ്മേളനം ആരംഭിക്കുന്നത്. സമസ്ത ജനറൽ സെക്രട്ടറി കാന്തപുരം എ.പി. അബൂബക്കർ മുസ്‌ലിയാർ സമാപന സമ്മേളന പ്രഖ്യാപനം നടത്തും. സമസ്തയുടെ നൂറ് പ്രകാശവർഷങ്ങളെ അടയാളപ്പെടുത്തുന്ന വിപുലമായ ആഘോഷങ്ങളാണ് സംഘടിപ്പിക്കുന്നത്. 2023 ഡിസംബർ 30-ന് കാസർകോട് വെച്ചായിരുന്നു ആഘോഷങ്ങളുടെ ഔദ്യോഗിക പ്രഖ്യാപനം. ഇതിന്റെ ഭാഗമായി 2024-ൽ സംഘടിപ്പിച്ച എസ്.വൈ.എസ്. യുവജന സമ്മേളനവും അനുബന്ധ പരിപാടികളും വൻ വിജയമായിരുന്നു. 2025-ൽ കേരള മുസ്‌ലിം ജമാഅത്ത് സംഘടിപ്പിച്ച 'കേരള യാത്ര' ഉൾപ്പെടെയുള്ള കർമ്മപദ്ധതികളും വലിയ ജനശ്രദ്ധ നേടി. കേരളത്തിന്റെ വിവിധ ഭാഗങ്ങളിൽ നിന്നായി തിരഞ്ഞെടുക്കപ്പെട്ട പതിനായിരം പണ്ഡിതന്മാരാണ് കോട്ടക്കലിൽ പങ്കെടുക്കുന്നത്. ഇസ്‌ലാമിന്റെ ആധികാരിക രൂപമായ അഹ്‌ലുസ്സുന്നയുടെ വിശ്വാസധാരയിൽ ഒരു നൂറ്റാണ്ടുകാലം മുസ്‌ലിം സമൂഹത്തിന് സമസ്ത കൃത്യമായ ദിശാബോധം നൽകി. വൈജ്ഞാനികവും ധാർമ്മികവുമായ ഈ മുന്നേറ്റത്തെ ലോകത്തിന് മുന്നിൽ അടയാളപ്പെടുത്തുകയാണ് ആഘോഷത്തിന്റെ ലക്ഷ്യം. വിദ്യാഭ്യാസ, സാമൂഹിക, സാംസ്കാരിക രംഗങ്ങളിൽ വലിയ മാറ്റങ്ങൾ ലക്ഷ്യമിടുന്ന കർമ്മപദ്ധതികൾ സമ്മേളനത്തിൽ പ്രഖ്യാപിക്കും. മനുഷ്യന്റെ ധാർമിക പുരോഗതിയും സാമ്പത്തിക അഭിവൃദ്ധിയും മുന്നിൽക്കണ്ടുള്ള പദ്ധതികളാണിവ. സമസ്തയിലൂടെയും മുസ്‌ലിം ജമാഅത്ത് അടക്കമുള്ള കീഴ്ഘടകങ്ങളിലൂടെയും വരും വർഷങ്ങളിൽ ഇവ നടപ്പിലാക്കും. സയ്യിദ് അലി ബാഫഖി തങ്ങളുടെ പ്രാർത്ഥനയോടെ സമ്മേളനം ആരംഭിക്കും. സമസ്ത പ്രസിഡന്റ് ഇ. സുലൈമാൻ മുസ്‌ലിയാർ അദ്ധ്യക്ഷത വഹിക്കും. സയ്യിദ് കെ.എസ്. ആറ്റക്കോയ തങ്ങൾ കുമ്പോൽ ഉദ്ഘാടനം ചെയ്യും. സമസ്ത സെക്രട്ടറി പൊന്മള അബ്ദുൽ ഖാദർ മുസ്‌ലിയാർ, സയ്യിദ് ഇബ്‌റാഹീം ഖലീലുൽ ബുഖാരി, പേരോട് അബ്ദുറഹ്‌മാൻ സഖാഫി, സി. മുഹമ്മദ് ഫൈസി, ഡോ. മുഹമ്മദ് അബ്ദുൽ ഹകീം അസ്ഹരി, അബ്ദുല്ല അഹ്‌സനി ചെങ്ങാനി, സുലൈമാൻ സഖാഫി മാളിയേക്കൽ, അബ്ദുൽ ജലീൽ സഖാഫി ചെറുശോല, അലവി സഖാഫി കൊളത്തൂർ എന്നിവർ പ്രസംഗിക്കും.