16-03-2026 గ్యాస్,పెట్రోల్,డీజిల్ కృత్రిమ కొరత సృష్టిస్తే కఠిన చర్యలు తీసుకుంటాం జిల్లా కలెక్టర్. скачать в хорошем качестве

16-03-2026 గ్యాస్,పెట్రోల్,డీజిల్ కృత్రిమ కొరత సృష్టిస్తే కఠిన చర్యలు తీసుకుంటాం జిల్లా కలెక్టర్.

మధ్యప్రాచ్య దేశాలలో నెలకొన్న యుద్ధ పరిస్థితుల నేపద్యంలో ప్రకాశం జిల్లాలో వినియోగదారులకు వంటగ్యాస్, పెట్రోల్,డీజిల్ సరఫరా పరంగా ఎటువంటి ఇబ్బందులు కలుకుండా అన్ని చర్యలు తీసుకోవడం జరిగిందని జిల్లా కలెక్టర్ పి. రాజాబాబు తెలిపారు. ఒంగోలుకలెక్టర్ కార్యాలయంలో సోమవారం సాయంత్ర ఏర్పాటుచేసిన విలేకరుల సమావేశంలో ఆయన జిల్లాలో గ్యాస్ సరఫరా పరిస్దితులపై వివరించారు. ఈ సందర్బంగా కలెక్టర్ రాజాబాబు మాట్లాడుతూ, యుద్ధ పరిస్థితుల మూలంగా గ్యాస్ నిల్వలు తగ్గి, ధరలు పెరగుతాయని సోషల్ మీడియాలో వస్తున్న అసత్య ప్రచారాలను నమ్మి వినియోగదారులు ఎవరూ ఆందోళన చెందవద్దని కోరారు. ప్రకాశం, మార్కాపురం జిల్లాల్లో గృహ వినియోగదారుల అవసరాలకు సరిపడా పూర్తి స్థాయిలో ఎల్పీజీ నిల్వలు అందుబాటులో ఉన్నాయని స్పష్టం చేశారు. ప్రకాశం జిల్లాలో 5లక్షల 51వేల 759 డొమెస్టిక్ ఎల్పీజీ కనెక్షన్స్ ఉండగా, మార్కాపురం జిల్లా 3లక్షల 22వేల 279 డొమెస్టిక్ ఎల్పీజీ కనెక్షన్స్ ఉన్నాయన్నారు. ప్రకాశం జిల్లాలో 39 గ్యాస్ ఏజెన్సీలు, మార్కాపురం జిల్లాలో 25 గ్యాస్ ఏజెన్సీ ల ద్వారా గ్యాస్ సరఫరా జరుగుతోందన్నారు. ప్రతిరోజూ 9వేలకు పైగా సిలిండర్ల బుకింగ్ జుగుతుండగా, 11వేల సిలిండర్లు అందుబాటులో ఉన్నాయన్నారు. జిల్లాలో అవసరాని కంటే అధికంగా సిలిండర్లు అందుబాటులో ఉన్నాయన్నారు. గ్యాస్, పెట్రోల్, డీజిల్ లు నిత్యావసరాల చట్టం పరిధిలో ఉంటాయని వీటిని బ్లాక్ మార్కెట్ చేసినా, కృత్రిమ కొరత సృష్టించినా కఠిన చర్యలు తీసుకుంటామన్నారు. జాయింట్ కలెక్టర్ కల్పనా కుమారి మాట్లాడుతూ, ఎల్సీజ్ నిల్వలు, పంపిణీ, పర్యవేక్షణకు జిల్లా పౌర సరఫరా శాఖ ఆధ్వర్యంలో కంట్రోల్ రూం ఏర్పాటు చేయడం జరిగిందన్నారు. గృహ అవసరాలకు వాడే గ్యాస్ సిలిండర్లు వాణిజ్య అవసరాలకు వినియోగించకుండా హోటళ్లను, రెస్టారెంట్లను ఎప్పటికప్పుడు తనిఖీలు చేస్తూ జిల్లా యంత్రాంగం కట్టుదిట్టమైన చర్యలు తీసుకున్నామన్నారు. నిత్యావసరాల చట్టం కింద ఒక కేసు నమోదు చేయడం జరిగిందన్నారు.