Ресей Иранға көмектесіп жатыр ма? Кремль баспасөз хатшысының пікірі скачать в хорошем качестве

Ресей Иранға көмектесіп жатыр ма? Кремль баспасөз хатшысының пікірі

Таяу Шығыстағы қақтығысқа енді Ресей де қосылған ба? The Wall Street Journal басылымының дерегінше, Кремль Иранға көмектесе бастаған. Желіде тарап жатқан ақпараттарға сенсек, Мәскеу Тегеранға спутниктік суреттерді ұсынып, тіпті жетілдірілген дрондарымен де бөлісіп жатыр. Осы тақырыпқа қатысты Кремльдің баспасөз хатшысы Дмитрий Песков пікір білдірген еді. Тыңдап көрейікші. ДМИТРИЙ ПЕСКОВ, Кремльдің баспасөз хатшысы: вокруг этой войны циркулирует множество сообщений. Қазір соғысқа қатысты көптеген хабарламалар тарап жатыр, олардың басым бөлігі - жалған. Сондықтан біз бұл хабарламалардың әрқайсысына жеке түсініктеме берудің қажеті жоқ деп санаймыз. Сонымен қатар, осы мәселеге қатысты америкалық шенеуніктер де өз ойларын білдірді. Олар бұл тақырып бойынша өздерінде нақты ақпарат жоқ деп отыр. Ал қазір Израиль Тегеранға қарсы соққыларды үдетті. Тель-Авив бүгін Иранның тағы бір лауазымды тұлғасын өлтіргенін жариялады. Жойқын шабуылдан сол елдің барлау министрі Эсмаил Хатиба көз жұмды деп мәлімдеді. Израиль сондай-ақ өз әскери қызметкерлеріне кез келген ирандық шенеунікті жоюға рұқсат берген екен. Яғни, мұндай әрекеттерге бару үшін сарбаздар басшылықтың мақұлдауын күтпейді деген сөз. Күні кеше Ислам Республикасы Қауіпсіздік кеңесінің хатшысы Әли Лариджани қаза тапқан еді. Кейін қайтсе де кек қайтарамыз деген Иран Израильдің орталық аймағын әуеден атқылауға көшті. Шабуыл кезінде "Хоррамшахр-4» және «Квадр» зымырандары қолданылған екен. Кей деректер бойынша, соққылар Тель-Авивтің 100-ден астам әскери және қауіпсіздік нысанына дөп тиген. 2 адамның қаза тапқаны айтылып жатыр. Сонымен қатар, Тегеран Ирак астанасы Бағдадтағы АҚШ елшілігін және халықаралық әуежайды да атқылап, ғимараттар отқа оранды. ФАРХАН ХАК, БҰҰ баспасөз хатшысының орынбасары: Егер Таяу Шығыстағы шиеленіс жалғасып, әлемдік экономиканы тұрақсыздандырса, 2026 жылы аштықпен күресіп жүрген адамдар саны рекордтық деңгейге жетуі мүмкін. Жаңа талдауларға сәйкес, егер қақтығыс жылдың ортасына дейін аяқталмаса және мұнай бағасы баррельіне 100 доллардан жоғары болса, шамамен 45 миллион адам азық-түлік тапшылығы немесе одан да ауыр жағдайға тап болуы мүмкін. #Информбюро #31арна #БастыЖаңалықтар #Новости #31канал