【日本川越一日遊】 熊野神社「洗錢」增財運 скачать в хорошем качестве

【日本川越一日遊】 熊野神社「洗錢」增財運

• Travel 🚞 川越 • 第一次嚟到有小江戶之稱位於埼玉県嘅「川越」，由西武新宿站出發坐(急行)去到本川越站都只不過係大概一個鐘嘅車程，算係其中一個最近東京又比較熱門嘅一個近郊。川越保存咗江戶到昭和時代嘅各式建築同街道，好似真係穿越咗去以前嘅時代咁。仲去咗神社「洗錢」增加財運!💰💰💰 1️⃣第一站去咗食川越嘅名物「鰻魚飯」，揀咗呢間「鬼蒸し鰻 和風鈴」，招牌Onimushi Eel係用關東鰻魚技術長時間蒸煮而成嘅鰻魚，肉質非常鬆軟，醬汁甜度適中，真係唔錯! 🥢鬼蒸し鰻兩食 JP¥4350 📍鬼蒸し鰻 和風鈴 埼玉縣川越縣新富町2 丁目−30−6 2️⃣第二站「熊野神社」主要係祈求財運同良緣嘅神社 🐍有兩條「神蛇」摸唔同部位代表唔同嘅祈福象徵⬇️ 頭：学業成就、合格必勝 盤旋部：手藝能力提升、有智慧 身體 ：身體健康、病氣平癒 卵：金運、事業興隆、開運、安産 兩條同時：良緣、夫妻圓滿、家庭安全 💰仲有一個寶池，傳說如果你將你嘅寶藏放入井水中清洗，佢嘅價值會立即增加十萬倍! 首先去咗左邊嘅嚴島神社（弁藏天）祈禱後，將錢放喺筲箕入邊，然後用水瓢裝水「洗錢」，洗過嘅錢可以用喺有意義嘅事上邊或者當護身符都得。 3️⃣ 之後直落一番街，兩邊好多江戶時代嘅建築，又有好多唔同嘅舖頭同小食。再過啲就係江戶時代建成嘅「時之鐘」，宜家睇到嘅時鐘為第4代1893年火災後所改建，1996年環境廳定為「日本100個值得保護的音景」之一。 4️⃣Miffy Kitchen and Bakery 鐘意Miffy就一定唔好錯過，公仔麵包同麵包公仔都超得意! 5️⃣ 菓子屋横丁 成條街都係舊式糖果店，兒時回憶返晒嚟! 6️⃣ Bromagee 臨走前比佢哋嘅香味吸引咗，新鮮出爐流心蛋糕，熱辣辣非常濃郁嘅朱古力，加埋雪糕應該會仲正!