EP5/ 欲罷不能的戲痴 - 田蕊妮 《BAD ACTING》 скачать в хорошем качестве

EP5/ 欲罷不能的戲痴 - 田蕊妮 《BAD ACTING》

如果講一個好演員必須具備嘅特質，真心鍾意演戲一定係其中一個。因為演員同一般職業唔同，唔會有格仔俾你剔， 無話做到啲乜嘢就係完美，成功與否確實好睇自己對自己嘅要求。 而今集嘅主角田蕊妮阿田就可以話係一個絕對嘅戲痴，就好似導師Olivia咁講，唔嗌cut嘅話，阿田係真係唔會停，一路演到凌晨十二點都得。仲有一樣更加誇張就係阿田竟然喺同杜汶澤真嗌交嘅時候，因為阿澤叫佢入廁所照鏡睇下自己個樣有幾嬲，佢就真係照做，等自己下次演嬲嘅時候可以更加逼真，真係不得不佩服阿田對演戲嘅痴迷 (同時亦好佩服阿澤化險為夷嘅功力)。 《Bad Acting》由著名舞台劇導演兼老師甄詠蓓Olivia擔任導師，首次將獨門教學經驗搬上大銀幕，佢嘅學生更加係陣容鼎盛，包括演藝界各方嘅重量級人物，佢哋向Olivia學習戲劇嘅過程，由傾下自己係咪好演員去到實戰試戲，發現「演員的自我修養」仲有排學呀，到底呢班演員能唔能夠開發不同嘅自己？面對冇戲劇底子嘅素人，看似唔關事嘅職業，原來都可以應用到戲劇技巧！佢哋嚟學演戲就係想拋開過往嘅包袱，發掘其他潛能。Olivia又有咩方法令佢哋打破枷鎖，好好了解自己？ 《Bad Acting》早喺2020年經已喺各百老匯院線作慈善演出，扣除成本後籌得款項已撥予亞洲文化協會（ACC），旨在支持有志進修戲劇嘅年輕人學習表演藝術，勉勵大家共渡電影業艱難時期。 有鑑於先前疫情持續，艱難嘅又點只電影業，所以SUCH 團隊決定將《BAD ACTING》放上SUCH HK平台俾大家齊齊欣賞，為抗疫疲勞嘅香港人打打氣。 監製/導演：蔡美詩 不同學員將陸續登場，包括：林嘉欣、東方昇、李佳芯、蔡思貝、林德信、唐詩詠、蝦頭、田蕊妮、陳曉琪（KJ）、林天立、潘志健、盧詩韻、甄詠蓓。 #BadActing #田蕊妮 #杜汶澤 記得喺Facebook, Instagram, Youtube密切留意SUCH HK： Facebook:   / such.hongkong   Instagram:   / such.hk   Youtube:    / suchhk