ಆನೇಕಲ್‌ನಲ್ಲಿ 'ಲ್ಯಾಂಡ್ ಲಾರ್ಡ್' ಹವಾ: ಶಾಸಕ ಬಿ.ಶಿವಣ್ಣರಿಂದ ಸಿನಿಮಾ ವೀಕ್ಷಣೆ, ಚಿತ್ರತಂಡಕ್ಕೆ ಶುಭಹಾರೈಕೆ. скачать в хорошем качестве

ಆನೇಕಲ್‌ನಲ್ಲಿ 'ಲ್ಯಾಂಡ್ ಲಾರ್ಡ್' ಹವಾ: ಶಾಸಕ ಬಿ.ಶಿವಣ್ಣರಿಂದ ಸಿನಿಮಾ ವೀಕ್ಷಣೆ, ಚಿತ್ರತಂಡಕ್ಕೆ ಶುಭಹಾರೈಕೆ.

ಆನೇಕಲ್: ಸ್ಯಾಂಡಲ್‌ವುಡ್ ನಟ 'ದುನಿಯಾ' ವಿಜಯ್ ಅಭಿನಯದ ಬಹುನಿರೀಕ್ಷಿತ 'ಲ್ಯಾಂಡ್ ಲಾರ್ಡ್' ಸಿನಿಮಾ ಆನೇಕಲ್‌ನಲ್ಲಿ ಅಭೂತಪೂರ್ವ ಯಶಸ್ಸು ಕಾಣುತ್ತಿದೆ. ದಿನದಿಂದ ದಿನಕ್ಕೆ ಪ್ರೇಕ್ಷಕರ ಬೆಂಬಲ ಹೆಚ್ಚಾಗುತ್ತಿದ್ದು, ಚಿತ್ರಮಂದಿರಗಳ ಮುಂದೆ ಹಬ್ಬದ ವಾತಾವರಣ ನಿರ್ಮಾಣವಾಗಿದೆ. ಇಂದು ಆನೇಕಲ್ ವಿಧಾನ ಸಭಾ ಕ್ಷೇತ್ರದ ಜನಪ್ರಿಯ ಶಾಸಕರಾದ ಬಿ.ಶಿವಣ್ಣ ರವರು ಪಟ್ಟಣದ ಅನ್ನಪೂರ್ಣೇಶ್ವರಿ ಚಿತ್ರಮಂದಿರಕ್ಕೆ ಭೇಟಿ ನೀಡಿದರು. ವಿಶೇಷವೆಂದರೆ, ಶಾಸಕರು ಸಾಮಾನ್ಯರಂತೆ ಸರದಿಯಲ್ಲಿ ನಿಂತು ಟಿಕೇಟ್ ಖರೀದಿಸಿ ಸಿನಿಮಾ ವೀಕ್ಷಿಸುವ ಮೂಲಕ ಚಿತ್ರತಂಡಕ್ಕೆ ಪ್ರೋತ್ಸಾಹ ನೀಡಿದರು. ಸಿನಿಮಾ ವೀಕ್ಷಿಸಿದ ನಂತರ ಮಾತನಾಡಿದ ಅವರು, ಚಿತ್ರದ ಕಥೆ ಮತ್ತು ನಟನೆಯನ್ನು ಶ್ಲಾಘಿಸಿ ಚಿತ್ರಕ್ಕೆ ಶುಭ ಹಾರೈಸಿದರು. ಸಿನಿಮಾ ವೀಕ್ಷಣೆಯ ನಂತರ ಶಾಸಕ ಬಿ.ಶಿವಣ್ಣ ಹಾಗೂ ಯುವ ಮುಖಂಡರಾದ ಹುಸ್ಕೂರು ಮದ್ದೂರಪ್ಪ ಅವರು ನಟ ದುನಿಯಾ ವಿಜಯ್ ಅವರಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡಿದರು. ಚಿತ್ರದ ಯಶಸ್ಸಿನ ಬಗ್ಗೆ ಹರ್ಷ ವ್ಯಕ್ತಪಡಿಸಿದ ಅವರು, ಆನೇಕಲ್ ಜನರ ಪರವಾಗಿ ಅಭಿನಂದನೆ ಸಲ್ಲಿಸಿದರು. ಇಂದು ಚಿತ್ರಮಂದಿರಕ್ಕೆ ಯುವಕರ ದಂಡೇ ಹರಿದುಬಂದಿತ್ತು. ಕಿತ್ತಗಾನಹಳ್ಳಿ ವಿವೇಕ್, ಸರ್ಕಲ್ ವೆಂಕಿ, ಆನಂದ್, ರಘು, ಅರುಣ್ ಅದ್ದೂರಿ, ಅಜಯ್, ಗೋಪಿ, ಸುಮನ್, ಸಂದೀಪ್ ಹಾಗೂ ಹೆನ್ನಾಗರ ಶಿವು ಅವರ ನೇತೃತ್ವದಲ್ಲಿ ನೂರಾರು ಯುವಕರು ಸಂಘಟಿತರಾಗಿ ಬಂದು ಸಿನಿಮಾ ವೀಕ್ಷಿಸಿ ಸಂಭ್ರಮಿಸಿದರು. ಕಾರ್ಯಕ್ರಮದಲ್ಲಿ ಸ್ಥಳೀಯ ಮುಖಂಡರು ಹಾಗೂ ಅಪಾರ ಸಂಖ್ಯೆಯ ಅಭಿಮಾನಿಗಳು ಭಾಗವಹಿಸಿದ್ದರು.