弔秋喜 南音 李玉華 樂聚南音夜 (87) скачать в хорошем качестве

弔秋喜 南音 李玉華 樂聚南音夜 (87)

2025年5月23日 李玉華樂聚南音夜 (87) 主辦 : 樂群樂聚 主唱 拍板：李玉華 椰胡 : 許偉雄 簫 : 盧偉國 古箏 : 林志宏 三弦 : 黃國安 秦琴 : 林兆文 中胡 : 梁永賢 (弔秋喜) 此曲講述招子庸與秋喜的故事。招子庸所著的「粵謳」，內有數十首曲，中有一曲「弔秋喜」。曲中表露了招子庸對秋喜的深愛憐惜，十分感人。此曲由「粵謳」改成南音，其行文口語多， 較通俗。二零一二年梅姨在中大演唱此曲。原文及梅姨版本中，都有欠上句及下句情況。我此版本曲詞來自唐健垣老師，補上了欠缺的上下句，更合南音格式。 李玉華 癸巳冬 (弔秋喜 ) 聽見你話死咯實在我見思疑。。 何苦輕生得咁心痴。 做乜唔等我返黎共你講吓情義， 都未享過榮華富貴你實係個可呀憐兒。。 你若為人客死心都唔怪得你呀， 但係你死因為錢債叫我怎不傷悲。 你平日當我係知心亦該同我講句， 做乜交情三兩個月囉都冇句言辭。。 往日個種恩情丟了落水， 縱有金銀燒盡都帶不到陰司。 可惜你飄泊在青樓辜負你一世囉， 你在烟花場上呀都無日開眉。。 你名叫做秋喜只望到秋來還有喜意， 做乜才過冬至後就被雪霜欺。 今日無力春風呢唔共你掙得啖氣， 落花無主咁就葬在春泥。。 此後情思有夢你便頻須寄， 或者盡我呢點窮心呢來慰下故知。 泉路茫茫你雙腳又咁細， 黃泉無客店問你何處棲遲。。 最怕你野魄孤魂無所寄， 你若含悲飄蕩小心被狗欺。 此後青山白骨唔知憑誰祭， 衰楊殘月空聽只杜鵑啼。。 未必有個知心來共你擲紙， 清明空恨嗰頁紙錢飛。 罷咯不若當你義妻來送你入寺， 等你孤魂無主仗吓佛力扶持。。 你要哀懇嗰位慈雲施吓佛偈， 等你轉過來生呀誓不做客妻。 不求玉食錦衣但求有恩義， 要似鴛禽相守永不分離。。 若係冤債未償再罰你落花粉地， 你便揀過一個多情早早見機。 共你未斷情緣重有相會日子，須謹記， 念吓前恩義，講到銷魂嗰兩個字， 共你死過都唔遲。。(完) 李玉華樂聚南音夜 (88) 待定 免費入場 WhatsApp 查詢留座 : 劉小姐 (98091497) 地點 : 香江戲曲樂苑 大埔道 14-16 號 華都大廈 1樓 04室 太子站 A/E 出口 , 美孚方向步行約兩分鐘