கண்டித்திடலாமே.. скачать в хорошем качестве

கண்டித்திடலாமே..

கண்டித்திடலாமே.. கடிக்கும் கொசுக்களெல்லாம் படை நகர்த்தி வருகிறதே.. ரசிக்கும் வண்ணப் பூச்சிகளே எங்கு சென்றீர்.. சிறியதாய் மண் திரட்டி அரியதாய் கோட்டை கட்ட மண்உருட்டி உருளும் வண்டுகளே எங்கு சென்றீர்.. அலை அலையெனப் பறந்து தெரு முழுதும் நிரப்பிப்போன பிடி படாத ஈசல்களே எங்கு சென்றீர்.. பருவ மழை வரவேற்க வாய்ப் பாட்டுப் பாடிய குலவை இடும் தவளைகளே எங்கு சென்றீர்.. சட்டாம் பிள்ளைகள் போல ராஜாக்கள் நடை பயின்ற தட்டான் பூச்சிகளே எங்கு சென்றீர்.. கூடிக் கிளை அமர்ந்து நற் பாட்டுக்கள் பாடிய சிறு சிட்டுக் குருவிகளே எங்கு சென்றீர்.. ஊரே இருட்டிய போது சிறுவெளிச்சம் ஏற்றி வரும் மினுக்கிடும் மின் மினிகளே எங்கு சென்றீர்.. நகர்ந்திட நாள் எடுக்கும் நகராமல் பொதி சுமக்கும் வேடிக்கை நத்தைகளே எங்கு சென்றீர்.. பூமியில் உலகம் கட்டி விவசாய உரங்கள் கூட்டி வாழவிட்ட மண் புழுக்களே எங்கு சென்றீர்.. பூவெல்லாம் தேடிச் சென்று மகரந்தம் பரவச் செய்து தேனுண்ட பொன் வண்டே எங்கு சென்றீர்.. மனமே..இவையெல்லாம் பிடித்துச் சென்று ஓரிடத்தில் பதுக்கி வைத்து ஆட்டம் காட்டுகின்ற இயற்கையை , சற்றே கண்டித்திடலாமே..