ជាបេក្ខជនជំនួស តែកុមារី ហូរ ធារ៉ា ប្រឡងជាប់ជ័យលាភីលេខ១ថ្នាក់ជាតិ ផ្នែកអានអត្ថបទ скачать в хорошем качестве

ជាបេក្ខជនជំនួស តែកុមារី ហូរ ធារ៉ា ប្រឡងជាប់ជ័យលាភីលេខ១ថ្នាក់ជាតិ ផ្នែកអានអត្ថបទ

ជាបេក្ខជនជំនួស តែកុមារី ហូរ ធារ៉ា ប្រឡងជាប់ជ័យលាភីលេខ១ថ្នាក់ជាតិ ផ្នែកអានអត្ថបទ ភ្នំពេញ៖ កុមារី ហូរ ធារ៉ា ជាសិស្សថ្នាក់ទី៥ នៃសាលាបឋមសិក្សាស្មែត ខេត្តកំពង់ឆ្នាំ បានជាប់ជ័យលាភីលេខ១ថ្នាក់ជាតិ លើផ្នែកអានអត្ថបទ ក្នុងកម្មវិធីប្រកួតប្រជែង អានអត្ថបទ ស្មូតកំណាព្យ និងតែងនិពន្ធ «ពានរង្វាន់សម្តេចតេជោ ហ៊ុន សែន» នៃទិវាជាតិអំណានលើកទី១១ ឆ្នាំ២០២៦ របស់ក្រសួងអប់រំ យុវជន និងកីឡា។ បើតាមលោក ជៀន វណ្ណី នាយករងសាលាបឋមសិក្សាស្មែត ដែលជាគ្រូបង្ហាត់អាន បានបញ្ជាក់ថា អាចជាភាពចៃដន្យ កុមារី ហូរ ធារ៉ា ជាបេក្ខជនបម្រុង ដែលលោកបានត្រូវជ្រើសរើសយកមកចូលរួមប្រកួតជំនួសបេក្ខជនដែលឈឺមុនពេលប្រកួត។ បើតាមលោក ជៀន វណ្ណី មែនទែនទៅលោកក៏សម្លឹងឃើញពីទេពកោសល្យផ្នែកអាន និងទឹកដមសំឡេងអំណោយផលរបស់កុមារី ហូរ ធារ៉ា ផងដែរ។ ម្យ៉ាងគួបផ្សំនឹងការខិតខំប្រឹងប្រែង និងសេចក្ដីក្លាហាន បានជំរុញឱ្យកុមារីវ័យ១០ឆ្នាំរូបនេះ ទទួលបានលទ្ធជាទីគាប់ចិត្ត ក្លាយជាម្ចាស់ជ័យលាភីលេខ១ថ្នាក់ជាតិផ្នែកអានអត្ថបទ។ «ខ្ញុំនិយាយស្មោះត្រង់កុមារី ហូរ ធារ៉ា ដំបូងដែលខ្ញុំជ្រើសរើសយកគាត់ ដោយសារសំឡេង។ គាត់មានសំឡេងពិរោះ ដែលខ្ញុំចង់បាន និងជឿជាក់ថាគាត់នឹងឈ្នះ។ ខ្ញុំសរសើរគាត់ខិតខំប្រឹងប្រែងមិនខ្លាចនឿយហត់»។ នេះជាការលើកឡើងរបស់លោក ជៀន វណ្ណី នាយករងសាលាបឋមសិក្សាស្មែត។ អ្នកស្រី សិត សុគង់ ជាម្ដាយរបស់កុមារី ហូរ ធារ៉ា សប្បាយចិត្តខ្លាំងដែលកូនស្រីខ្លួនទើបតែអាយុ១០ឆ្នាំ ប៉ុន្តែមានសេចក្ដីក្លាហានចូលរួមប្រកួតប្រជែងអំណាននិងទទួលបានជ័យលាភីលេខ១ថ្នាក់ជាតិ។ ស្រ្តីជាម្ដាយរូបនេះ បញ្ជាក់ថា ធារ៉ា មានទំនោរចិត្តលើការអានតាំងពីតូច ហើយតែងតែអានសៀវភៅពីនេះពីនោះឱ្យខ្លួនស្ដាប់ជារឿយៗ។ អ្នកស្រី សុគង់ លើកឡើងដូច្នេះ៖ «គាត់ចូលចិត្តអានតាំងពីតូចមក។ ពេលមកពីសាលាតែងយកសៀវភៅមកអានឱ្យខ្ញុំស្ដាប់ ហើយខ្ញុំតែងណែនាំដែរឱ្យអានបែបនេះពិរោះអ៊ីចឹងគាត់រៀនតាម»៕ ផលិតដោយសារព័ត៌មានឌីជីថលថ្មីៗ ដោយ៖ ផាត ដាណេ និង សយ រតណ្ណៈវិសាល សូមចុចចូលតេឡេក្រាមផ្លូវការរបស់សារព័ត៌មានឌីជីថលថ្មីៗ t.me/thmeythmeymedia ដើម្បីទទួលបានព័ត៌មានរហ័ស និងសម្បូរបែប! សូមចុចចូលMessengerផ្លូវការរបស់សារព័ត៌មានឌីជីថលថ្មីៗ https://www.messenger.com/channel/Thm... ដើម្បីទទួលបានព័ត៌មានរហ័ស និងសម្បូរបែប! ទំនាក់ទំនងផ្សព្វផ្សាយពាណិជ្ជកម្មជាមួយសារព័ត៌មានឌីជីថលថ្មីៗតាមរយៈ 012 900 132/081 699 329 ឬតេឡេក្រាម t.me/salesttn ThmeyThmey Social Media: Youtube: https://bit.ly/2RNzknr Instagram: https://bit.ly/32QSFup Twitter: https://bit.ly/3iTsTuS Web: https://bit.ly/3hPEU3q Facebook: https://bit.ly/2FGyvKY Threads: https://bit.ly/44q1UPl © All Rights Reserved & Copyrights by Thmey Thmey Digital Media (thmeythmey.com) #thmeythmey #thmeythmeynews #cambodianess #thmeythmey25 #angkorwat #cambodia #ថ្មីៗ