Top News - Marrëveshje bërthamore e çastit të fundit!? SHBA dhe Rusia në prag të garës së armatimit скачать в хорошем качестве

Top News - Marrëveshje bërthamore e çastit të fundit!? SHBA dhe Rusia në prag të garës së armatimit

Shtetet e Bashkuara dhe Rusia mund të nisin një garë të pakufizuar armësh bërthamore për herë të parë që nga Lufta e Ftohtë, përveçse nëse arrijnë një marrëveshje të minutës së fundit përpara se traktati i tyre i fundit i kontrollit të armëve të skadojë në më pak se një javë. Traktati NEË START do të përfundojë më 5 shkurt. Pa të, nuk do të kishte kufizime në arsenalet bërthamore me rreze të gjatë veprimi për herë të parë që kur Richard Nixon dhe udhëheqësi sovjetik Leonid Brezhniev nënshkruan dy marrëveshje historike në vitin 1972 në udhëtimin e parë të një presidenti amerikan në Moskë. Presidenti rus Vladimir Putin ka propozuar që të dy palët duhet t'i përmbahen kufizimeve ekzistuese të raketave dhe kokave bërthamore për një vit tjetër për të fituar kohë për të përcaktuar se çfarë do të ndodhë më pas, por Presidenti amerikan Donald Trump ende nuk është përgjigjur zyrtarisht. Trump tha këtë muaj: "nëse skadon, skadon", traktati duhet të zëvendësohet me një më të mirë. Disa politikanë amerikanë argumentojnë se Trump duhet ta refuzojë ofertën e Putinit, duke i dhënë Uashingtonit liri të rrisë arsenalin e tij për t'iu kundërvënë një ngritjeje të shpejtë bërthamore nga një fuqi e tretë: Kina. Trump thotë se dëshiron të ndjekë "denuklearizimin" si me Rusinë ashtu edhe me Kinën. Por Pekini thotë se është e paarsyeshme të pritet që ai të bashkohet me bisedimet për çarmatim me dy vende, arsenalet e të cilave janë ende shumë më të mëdha se të vetat. Që nga ditët më të errëta të Luftës së Ftohtë, kur Shtetet e Bashkuara dhe Bashkimi Sovjetik kërcënuan njëri-tjetrin me "shkatërrim të garantuar reciprok" në rast të një lufte bërthamore, të dyja vendet i kanë parë traktatet e kufizimit të armëve si një mënyrë për të parandaluar ose një keqkuptim vdekjeprurës ose një garë armatimesh ekonomikisht shkatërruese. Traktatet jo vetëm që vendosin kufizime numerike për raketat dhe kokat bërthamore, por gjithashtu kërkojnë që palët të ndajnë informacion. Traktati i fundit Neë START, u nënshkrua në vitin 2010 nga Presidenti i SHBA-së, Barack Obama, dhe ai rus Dmitry Medvedev. Ai e kufizon numrin e kokave strategjike të vendosura në 1,550 në secilën anë, me jo më shumë se 700 sisteme për t'i lëshuar ato nga toka, deti ose ajri, me raketa balistike ndërkontinentale, raketa të lëshuara nga nëndetëse ose bombardues të rëndë. Pamje: AFP Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#SHBA#Trump