Қобда ауданында сүт өңдеу кешені салынады скачать в хорошем качестве

Қобда ауданында сүт өңдеу кешені салынады

Қобда ауданының жеті ауылына жақын болашақта газ, тағы төртеуіне ауыз су құбыры тартылады. Аудан әкімі Асқар Жүсібалиев бүгін қобдалықтардың қазіргі тұрмыс-тіршілігі жөнінде "Ақтөбе ақпарат" орталығында есеп берді. Аудан халқы егін егеді. Көкөніс өсіреді. Мал бағады. Асыл тұқымды қой өсіретін екі шаруашылық бар. Бір шаруа текті ірі қара мал бағуды қолға алған. Мал басы көбейген соң, ауданда сүт өңдеу кешеніне қажеттілік туындады. Күніне 300 бас сиыр сауылатын сүт өңдеу кешенін биыл "Тамбай" қожалығы салады. "Қобда Жер" серіктестігі осы жылы макарон цехын, ал "Арыстан" қожалығы сұйық май өндіру цехын ашады. "Ақтан" және "Тайбурыл" қожалықтары қымыз өндірісін бастауды жоспарлап отыр. Соңғысы, "Құлан" бағдарламасы арқылы 110 сауын бие сатып алған. Цех өндіріске дайын. "Бизнестің жол картасы" бағдарламасы бойынша Қобдада екі кәсіпкер несие алып, бірі кемпинг салды, бірі кондитерлік цех ашқан. "Жұмыспен қамтудың жол картасы" бағдарламасы бойынша ауданда 29 жоба мақұлданып, тұрғындар дәмхана, дәріхана, шайхана және шағын маркеттер ашып алды. Отбасылық бизнесті бастау үшін мемлекеттен қаражат сұрап, 88 азамат өтініш білдірген. Олар сүт және құс фермаларын ашуды, мал басын бордақылау алаңдарын жасақтауды, жылыжай салуды көздейді. Жол мәселесі де назардан тыс қалған жоқ.