Gwadar: musharaf e arhawa pada boha en скачать в хорошем качестве

Gwadar: musharaf e arhawa pada boha en

مئے شھر ءَ مشرف ءِ ارواہ یکبرے پدا بوہ ءَ اِنت۔۔۔ ناھدا دیریں من نہ دیستگ، مرچی گوں من دوچار کپت چدوپیسر کہ من جُستے بہ کُتیں من ءَ گُشیت چونیں باریں اھوالکاری ءُ چون اِنت گوادر؟ بلاھیں مُدتے ءَ پد پدا شھر ءِ سڑکانی سر ءَ بینر ٹنگوک اَنت؟ اوتاگانی درباری کہ چد ءُ پیسر سماجی و قبائلی، فرزند ءُ ھردلعزیز مردمانی توسیپ ءَ بوتگ انت مرچاں گوں شیشگاں جوڑ کُتگیں ماڑی، ھِشت، سمنٹ ءُ سیمانی توسیپاں کنگ ءَ اَنت۔۔۔۔؟ من جیڑگ ءَ اِتاں کہ چون بہ گُشاں کہ اے شھر ءَ مشرف ءِ سڑتگیں ارواہ یک برے پدا چو سوچکی ءَ دوت دیگ ءَ اِنت ءُ اے ھمائی ءِ بدیں بوہ اِنت۔۔۔ تُرسے، اگل ءُ ھوش ءِ سنٹی اِنت، چاپلوسکی ءُ توسیپ اِنت۔۔۔چم بندُکائی اِنت، پدا پہ درباریاں میڑہ اِنت، پہ بادشاہ سلامت ءَ توسیپی پوسٹانی مکابلہ اِنت ءُ زی ایں شاہ مرچی وتی اوتاگانی تہ ءَ ھُشک ءُ ھئیران کہ درباریاں چے بوت کہ لیٹ اتاں۔۔۔۔ بَلے بلوچ زِر ءِ وتی راھبندے، اے گُجو، تاراجی تاکت، این جی اوزانی پندلاں لیپگ کنت۔۔۔کمو وھد جنت بلے اے ھِرس ءُ گُرس ءِ روچ پدا بُڑّیت۔۔۔ مرچی توسیپی بٹاکانی میان ءَ شھر ءَ گُرسے ءَ مان شانتگ بلے مشرف ءِ سڑتگیں ارواہ ءِ بوہ ءَ ستر اے سوچکی ءِ وڑ ءَ دوت بہ دیاں ءُ درباری اے بوہ ءَ بہ شُنک انت بلے بلوچ زِر ءِ آپ ءَ چہ چست بوتگیں بوہ اشاں تُرْجینیت ءُ راجدپتر ءَ لیپگ کنت۔۔۔ من سما کناں ناھدا منی پسو ءِ ودار ءَ اِنت۔۔۔۔ من گُشت ھو ناھدا! مئے شھر ءَ مشرف ءِ ارواہ یکبرے پدا بوہ ءَ اِنت۔۔۔ جاوید بلوچ۔