სოსო მიქელაძე - მედიტაცია "შინაგანი სამყაროს გაწმენდა" скачать в хорошем качестве

სოსო მიქელაძე - მედიტაცია "შინაგანი სამყაროს გაწმენდა"

ეს არის მეორე მედიტაცია, ჩემს მიერ 2013 წელს შექმნილი და დამუშავებული აუდიომედიტაციებიდან, რომელთა მიზანია შინაგანი ჰარმონიის და ფსიქოლოგიური სტაბილურობის ფორმირება. გასული წლების განმავლობაში ეს მედიტაცია მრავალ ადამიანს (ისევე როგორც თავად მე) ეხმარებოდა სულიერი, ფიზიოლოგიური და ფსიქოლოგიური სიმშვიდის, საერთო ჯანმრთელობის მოპოვებაში. სცენარულად, მუსიკალურად, ფსიქოლოგიური აქცენტებით ეს აუდიოსავარჯიშო ისეა გათვლილი და დაწყობილი, რომ იწვევს დეპრესიული განწყობილების შესუსტებას, პოზიტიური ემოციების გაძლიერებას პიროვნებაში, საერთო ტონუსის ამაღლებას, კათარტულ პროცესს და სხვა დადებით ძვრებს. ეს აუდიომედიტაცია საკმაოდ ადვილია შესასრულებლად. მოძებნეთ მშვიდი ადგილი, განმარტოვდით და მიჰყევით ჩანაწერში წარმოდგენილ რეკომენდაციებს. რა თქმა უნდა, უკეთესი იქნება მედიტაციის მოსმენა ყურსასმენებით! ხანგრძლივობითაც აღნიშნული აუდიო-მედიტაცია არც დიდია, ამავდროულად საკმაოდ კომფორტული და შედეგიანი. შინაგანი ნეგატივიზმის გამწვავების პერიოდებში სასურველია სავარჯიშოს რამდენჯერმე შესრულება კვირის განმავლობაში. ნუ ელით მყისიერ შედეგებს და სასწაულებს, თუმცა რეგულარული შესრულების პირობებში - თქვენი წარმატებები მართლაც სასიამოვნოდ გაგაოცებთ. ასე რომ, გისურვებთ სასიამოვნო მოსმენას, და რა თქმა უნდა, მყარ ფიზიკურ და სულიერ ჯანმრთელობას! ❤ #მედიტაცია #აუდიომედიტაცია #ფილოსოფია #ფსიქოლოგია