Masakra mjedisore në Shëngjin: Dhjetëra pisha të prera në bregdet-(8 Mars 2012) скачать в хорошем качестве

Masakra mjedisore në Shëngjin: Dhjetëra pisha të prera në bregdet-(8 Mars 2012)

Lajme Arkiva 2012 Inspektorët e shërbimit pyjor dhe policia e shtetit nuk kanë arritur ende të zbulojnë autorët e masakrës mjedisore që ndodhi në kurorën e gjelbër të Shëngjinit në fillim të javës. Dhjetëra pisha disa vjeçare u prenë në brezin e parë të pyllit pranë ranishtës për arsye ende të paqarta. Kryetari i komunës së Shëngjinit, i alarmuar për këtë dëm, shpreh rezerva mbi punën e policisë dhe shërbimit pyjor. Salvador Kaçaj: “Trupat që janë prerë janë prerë gjatë natës, në orët e vonë të natës, gjë të cilën e kemi pasur të pamundur për t'i, sepse s'e kemi ditur. I kemi kërkuar ndihmë disa herë edhe policisë së shtetit, që në disa raste nuk është paraqitur në nivel të duhur policia e shtetit, duhet ta theksoj këtë, por me të thënë të drejtën, lënë për të dëshiruar si nga nëpunësit e mi këtu, pra nga komunat, si dhe nga shërbimi pyjor nuk jemi në nivelin e duhur aty ku kërkohet, sepse nuk duhet të lëmë të prehet asnjë pishë.” Brenda një nate, dhjetëra pemë në bregdetin e Kunës u sharruan, si të ishin kallinj misri. Mund të kishte ndodhur një katastrofë edhe më e madhe nëse autorët e kësaj masakre nuk do të ishin ndalur vetë. Salvador Kaçaj: “Ka kohë që ky shqetësim është evident. Është edhe në pjesën tjetër të Rërës së Hedhur, ose në malin e Shëngjinit, ose në malin e Rencit, siç e quajmë po do të përpiqem të bëj më të mirën për të parandaluar këto njerëz që për mendimin tim, këtyre mund t’u ve vetëm një titull ose një emër që janë njerëz të papërgjegjshëm, sepse në çfarëdo rrethane, pisha e njomë nuk prehet.” Të gjendur përballë këtij fakti të zbuluar nga kamera e televizionit Klan, drejtuesit e shërbimit pyjor në Lezhë premtojnë marrjen e masave, një qëndrim që ngjan më shumë me një formulë të gatshme fajtorësh sesa reagim serioz për të parandaluar masakrën në këtë pasuri unike. Besnik Lleshi: “Duke parë këtë problem dhe sidomos edhe problemin e fundit që ndodhi, pavarësisht se ndoshta nga faktorë të tjerë dhe nga drejtoria e shërbimit pyjor, po merr masat për organizimin e një postblloku në hyrje të zonës së punës, me qëllim kontrollin 24 orë të çdo lloj lëvizje dhe mbajtjen për çdo lloj problemi, si nga dëmtimet në pyje, kontrollin e automjeteve të personave të cilët lëvizin në këtë zonë dhe ne shpresojmë që probleme të tilla, sidomos në dëmtimin në pyje, mos të kemi as edhe një lloj problemi.” Kurora e gjelbër në bregdetin e Shëngjinit u dëmtua rëndë si pasojë e prerjes së dhjetëra pishave në Kunevain, ndonëse ajo gëzon statusin e zonës së mbrojtur./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni n\u00eb faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t\u2019i ndiqni edhe n\u00eb faqen https://tvklan.al/programe/