A Lassie cam to our Gate - Robert Allan, Reg. CJTYRBQV скачать в хорошем качестве

A Lassie cam to our Gate - Robert Allan, Reg. CJTYRBQV

A Lassie cam to our Gate - Robert Allan A lassie cam' to our gate, yestreen, An' low she curtsied down; She was lovelier far an' fairer to see Than a' our ladies roun'. O whare do ye wend, my sweet winsome doo? An' whare may your dwelling be? But her heart, I trow, was liken to break, An' the tear-drap dim'd her e'e. I ha'ena a hame, quo' the bonnie lassie— I ha'ena a hame nor ha', Fain here wad I rest my weary feet, For the night begins to fa'. I took her into our tapestry ha', An' we drank the ruddy wine: An' aye I strave, but fand my heart Fast bound wi' love's silken twine. I ween'd she might be the fairies' queen, She was sae jimp and sma'; And the tear that dim'd her bonnie blue e'e Fell owre twa heaps o' snaw. O whare do ye wend, my sweet winsome doo? An' whare may your dwelling be? Can the winter's rain an' the winter's wind Blaw cauld on sic as ye? I ha'ena a hame, quo' the bonnie lassie— I ha'ena a ha' nor hame; My father was ane o' "Charlie's" men, An' him I daurna name. Whate'er be your kith, whate'er be your kin, Frae this ye mauna gae; An' gin ye'll consent to be my ain, Nae marrow ye shall ha'e. Sweet maiden, tak' the siller cup, Sae fu' o' the damask wine, An' press it to your cherrie lip, For ye shall aye be mine. An' drink, sweet doo, young Charlie's health, An' a' your kin sae dear, Culloden has dim'd mony an e'e Wi' mony a saut, saut tear. #Robertallan