Vazhdon përmbytja tek Tirana e Re, porta e digës së liqenit ende e hapur - (28 Shtator 2002) скачать в хорошем качестве

Vazhdon përmbytja tek Tirana e Re, porta e digës së liqenit ende e hapur - (28 Shtator 2002)

Lajme Arkiva - TV Klan 2002 Që nga mbrëmja e djeshme, porta kryesore e digës së Liqenit Artificial të Tiranës qëndron e hapur, nga ku uji ka përmbytur zonën e Tiranës së Re. Përgjatë gjithë natës dhe ditës, pranë digës, janë angazhuar forca të policisë së rendit dhe ushtrisë, të cilët kanë bërë edhe rrethimin e zyrës së kontrollit të liqenit. Ndërsa ekspertët e ndërtimeve po shohin mundësinë, për të mbyllur portën kryesore, në mënyrë që të ndalohet rrjedhja e ujit dhe përmbytja. Porta e këtij liqeni ka një gjerësi 95 centimetër. Ajo qëndron e hapur në një lartësi prej 20 centimetrash, ndërkohë që prurjet e ujit sipas burimeve zyrtare nga kryeministria, shkojnë në 12 metra kub në sekondë. Por specialistët e digës thonë, se uji lëviz në dalje të kësaj porte, me një shpejtësi deri në 70 metra kub në sekondë, fakt ky që nuk lejon mbylljen e saj. Njëri prej këtyre punonjëse pohon, se ka që dje në darkë që janë hapur portat dhe nuk janë mbyllur akoma, pasi nuk i lë presioni i ujit për t’u mbyllur. Gjatë paradites është parë mundësia e zhytjes në liqen të polumbarëve, të cilët të bëjnë në mënyrë mekanike mbylljen e digës, por një gjë e tillë është kundërshtuar, për faktin se rrezikohej jeta e tyre. Uji që del nga kjo portë shkaktohet nëpërmjet kolektorëve të cilët ndodhen larg digës vetëm 200 metra. Ky është edhe njëri prej kolektorëve kryesorë, i cili shkarkon ujin në rrugë, thellësia në këtë vend arrin deri në 2.5 metër. Pothuaj se në gjithë këtë zonë uji ka vërshuar nga kolektorët e çarë. Sipas ekspertëve, shkaku kryesor i kësaj përmbytje në kryeqytet ka qenë bllokimi i kolektorit kryesor, që shkakton ujin e liqenit në Lanë. Ekspertët konkluduan në tre shkaqe të tilla, së pari lejet e ndërtimit janë dhënë në kundërshtim me ligjin, duke u ngritur mbi kolektorin kryesor dhe duke e dëmtuar atë. Së dyti, këto ndërtime kanë shfrytëzuar këtë kolektor për shkarkimin e ujërave të zeza, duke i ndryshuar atij destinacionin dhe duke e bllokuar. Së treti, janë të gjitha ndërtimet pa leje në këtë zonë, të cilët ngrihen mbi të gjithë kolektorët. Sipas burimeve zyrtare, pavarësisht se është gjetur shkaku, uji nuk po ndalet dot, ku në rastin më të keq, kjo gjendje mund të zgjasë edhe me ditë./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/