"කිඹුල්වත්නුවර සුද්ධෝදන මාලිගාව, මායා දෙවොල, සිදුහත් මාලිගා තුන, අභිනිෂ්ක්‍රමණ ද්වාරය සහ ධාතු ස්ථූප" скачать в хорошем качестве

"කිඹුල්වත්නුවර සුද්ධෝදන මාලිගාව, මායා දෙවොල, සිදුහත් මාලිගා තුන, අභිනිෂ්ක්‍රමණ ද්වාරය සහ ධාතු ස්ථූප"

නේපාලයේ ලුම්බිණියට 27kmක් පමණ බටහිරින් තිරාවුල්කෝට් හෙවත් කපිලවස්තු රාජධානියේ කිඹුල්වත් නුවර පිහිටා තිබේ. සිදුහත් කුමාරයා වසර 29ක් ජීවත් වූ කිඹුල්වත්පුරය ආසන්නයේ නීග්‍රෝධාරාමය සහ කකුසඳ කෝණාගමන යන පෙර බෝසත්වරු උපත ලද ස්ථානවල ඉපැරණි නටඹුන් අදටත් දැකිය හැකිය. මීට අමතරව, සුද්ධෝදන මාලිගාවේ සහ 'රම්‍ය, සුරම්‍ය, සුබ' යන මාලිගාවල මෙන්ම අභිනිෂ්ක්‍රමණ මහා ද්වාරය (කිඹුල්වත් නුවර නැගෙනහිර දොරටුව) ආදියෙහි නටඹුන් බොහොමයක් තවමත් ශේෂ වී ඇත. එමෙන්ම, ඊට නුදුරින් ඇති කණ්ඨික සෑය, සුද්ධෝදන අරහත් ධාතු සෑය සහ මහාමායා දේවි භෂ්මාවශේෂ නිධන්සෑය මෙන්ම මහාමයා දේවියගේ කාමරය හෙවත් වත්මන් මහාමායා දෙවොල මෙහි එන සැදැහැවත්හු වන්දනාමාන කර ගනිති. ඒ පිළිබඳව සිංහල භාෂාවෙන් ඉදිපත් කෙරෙන වන්දනීය වාර්තා වැඩසටහනකි මේ. කිඹුල්වත්පුර කපිලවස්තු රාජ්‍යය (-ශාක්‍යයන්ගේ මාලිගා නටඹුන්, ධාතූසෑ, මායා දෙවොල සහ අභිනිෂ්ක්‍රමණ ද්වාරය) *මහානාම ශාක්‍ය රජුට දාව සේවිකාවකගේ කුසින් උපන් වාසභ කත්තියා නමැත්තිය කොසොල් රජු සරණ ගැනීමෙන් පසු ඔවුන්ට උපන් විඩූඪප කුමාරයා විසින් පසු කලෙක ඔහුට කළ නින්දාවක් අසා වියරුවෙන් ශාක්‍යයන්ව සමූහ ඝාතනය කරනු ලැබිණ. එයින් පසු මේ නුවර අරාජිකත්වයට පත්වීම ආරම්භ විය. ඒ බව, බුද්ධ පරිනිර්වාණයෙන් අවුරුදු 942 කට පමණ පසු කාලයක සුප්‍රකට දේශාටක චීන ජාතික පාහියන් භික්‍ෂුව සිය වාර්තාවල මෙසේ සටහන් කර තිබේ. 'මා එහි යනවිට පදිංචිව සිටියේ, භික්‍ෂුන් වහන්සේලා කිහිප නමකුත්, පවුල් කිහිපයක සාමාන්‍ය වැසියන් පිරිසක් පමණි. එහි සුද්ධෝදන මාලිගාව පිහිට් තැන සිදුහත් කුමාරයා සහ මහාමායා දේවිය මූර්තිමත් කළ පිළිරුවක් සහ අතැහැර ගොස් විනාශයට ලක්වූ ගොඩනැගිලි කිහිපයක්ද විය.' එයින් පසු, සම්බුද්ධ පරිනිර්වාණයෙන් අවුරුදු 1178 ක් තරම් කාලයේදී තවත් චීන ජාතික සංචාරක භික්‍ෂුන් වහන්සේ නමක් වන හියුෂාන් හිමියන්ද එහි වැඩම කළ විට පාහියන් භික්‍ෂුව දුටු දසුන්වලට බෙහෙවින්ම සමාන වූ දේ දැක මෙසේ විස්තර කර තිබේ. 'මා කපිලවස්තු රාජධානිය (කිඹුල්වත් නුවර) ට පැමිණෙන විට නටඹුන්වලින් පිරී තිබුණි. මෙහි මාලිගා භූමියේ සීමාව වටා ආරක්ෂක වලලු 14ක් 15ක් ද ධාතූ සෑයන් ඇතුළු බොහෝ කලකට පෙර අතහැර ගිය ඉපැරැණි නුවරක නටඹුන් ආදිය පිහිටා තිබූ බව පෙනේ. ඉන් බොහොමයක් ගඩොලින් නිමවා තිබී ඇතත්, තවමත් අත්තිවාරමේ බිත්ති ආදිය තවමත් ඉතා උසට ශක්තිමත්ව ඇත. පාලූ ස්වරූපයක් දිස්වෙන මෙහි සාමාන්‍ය පදිංචිකරුවන් ද මීට ස්වල්ප දුරකට වන්නට වාසය කරනු දක්නට ලැබෙයි. *නේපාලයේ රූපන්දේහි දිස්ත්‍රික්කයේ පිහිටා ඇති තිලෞරාකොට් නූතන පුරාවිද්‍යාඥයින්ගේ වැඩි පිළිගැනීමට ලක්ව ඇති පුරාණ කපිලවස්තු පුරයේ ස්ථානය ලෙස සැලකේ. කෙසේ වෙතත්, ඉන්දියාවේ පිප්රාවා නමැති තවත් ස්ථානයක් ද කපිලවස්තුපුරය (-සුද්ධෝදන රජුගෙන් පසු ශාක්‍යයන්ගේ රාජකීයත්වයට පත් මහානාම ශාක්‍ය රජුගේ මාලිගය පිහිටි යැයි සැලකිය හැකි ප්‍රදේශය) ලෙස සමහරු හඳුන්වති. ​පුරාවිද්‍යාත්මක සාක්ෂි: කැණීම් මගින් තිලෞරාකොට් හි ක්‍රි.පූ. 9 වන සියවස දක්වා දිවෙන නගරයක නටබුන් සොයාගෙන ඇත. මෙහි ඇති බලකොටු බිත්ති, දොරටු (විශේෂයෙන් නැගෙනහිර දොරටුව), විහාර ව්‍යුහයන්, මාර්ග, සහ පොකුණු වල නටබුන් මෙම ස්ථානයේ ඓතිහාසික වැදගත්කම තහවුරු කරයි. ඒ අතර, ​විශේෂයෙන් වන්දනා ස්ථාන මෙන්ම ඉපැරණිම ​බලකොටු පවුර සහ දිය අගල තිලෞරාකොට් හි ඉතා පැරණි නගර සැලැස්ම ඇතුළු බොහෝ දේ නිශ්චිතව හදුනා ගෙන ඇත. "-කිඹුල්වත්නුවර සුද්ධෝදන මාලිගාව, මායා දෙවොල, සිදුහත් මාලිගා තුන, අභිනිෂ්ක්‍රමණ ද්වාරය සහ ධාතු ස්ථූප.." .................................................... ඉදිරියටත් මෙවැනි වටිනා දේශනා ශ්‍රවණය කිරීම සදහා "දහම් සේසත" YouTube නාලිකාව Subscribe කර අප සමග රැදී සිටින්න. ►► Subscribe: https://bit.ly/3x6WwAP ►► Facebook Page: http://bit.ly/3Z1XVGp ►► Facebook Group: https://bit.ly/30HMTg4 ►► Tiktok: http://bit.ly/3zc7vuB .................................................... සැ.යු :- සාහිත දහම් පොත් තැපෑලෙන් ඔබේ නිවසට ගෙන්වා ගැනීමට "සාහිත පොත් පියස" (Only WhatsApp Massage) 071- 44 14 817 අංකයට.. වට්ස්ඇප් පණිවිඩයක් පමණක් යොමු කරන්න. (-දුරකතන ඇමතුම් නොගැනීමට කාරුණික වන්න) ................................................... අප සම්මා සම්බුදුරජාණන් වහන්සේගේ පරම පූජනීය ශ්‍රී සද්ධර්මය ශ්‍රවණය කරන සැමගේ නිවන් දොර වැඩි ඈතක නොවේවා..!! පින්වත් ඔබ සියලු දෙනාට ම තෙරුවන් සරණයි..! 🙏🙏🙏 #දහම්සේසත #සාහිතපොත්පියස​ #දිසිරුවන