සේරුවිල අලුත් සහල් මංගල්‍යය සහ ගම්මඩු ශාන්ති කර්මය | දුර්ලභ දර්ශන скачать в хорошем качестве

සේරුවිල අලුත් සහල් මංගල්‍යය සහ ගම්මඩු ශාන්ති කර්මය | දුර්ලභ දර්ශන

🙏සේරුවිල අලුත් සහල් මංගල්‍යය සහ ගම්මඩු ශාන්ති කර්මය 🌼🌼🌼 මහ කන්නයේ ලැබූ අස්වැන්නේ අග්‍ර කොටස ශ්‍රීමත් ලලාට ධාතූන් වහන්සේ උදෙසා පූජා කරනා සේරුවිල මංගල රාජමහා විහාරයේ අලුත් සහල් මංගල්‍යය සේරුවිල මංගල රාජමහා විහාරාධිපති පූජ්‍යපාද අලුදෙණියේ සුබෝධි නාහිමිපාණන් වහන්සේවර ප්‍රමුඛ මහා සඟරුවනේ ද රාජ්‍ය නිලධාරීන්ගේ ද ගොවිමහතුන්ගේ ද ප්‍රදේශවාසීන්ගේ ද සහභාගීත්වයෙන් යුතුව අප්‍රේල් 06 වන ඉරු දින උදෑසන මංගල මහා සෑරදුන් අභියස දී මහත් උත්කර්ෂවත් අයුරින් පවත්වන්නට යෙදුනි. සේරුවිල නාහිපාණන් වහන්සේගේ අනුශාසනා පරිදි සේරුවිල අලුත් සහල් මංගල්‍යය මෙවර ද සංවිධානය කරන ලද්දේ ඇතුගල්පුර සංස්කෘතික සංවිධානයේ සභාපති රන්තිලක වෛද්‍යාචාර්යතුමන් ඇතුළු පිරිස විසිනි. නැගෙනහිර පළාතේ කෙත්වතුවල මහකන්නයේ අස්වැන්නේ අග්‍රභාගය අග්‍රසශ්‍ය දානය වශයෙන් ජීවමාන බුදුරදුන් සිහිකොට උතුම් වූ ලලාට ධාතූන් වහන්සේ උදෙසා පූජාකොට මාතෘභූමියට සශ්‍රීකත්වය ප්‍රාර්ථනා කිරීම මෙහිදී සිදුවිය. මේ මොහොතට වයඹ පළාත් ප්‍රධාන සංඝ නායක කුරුණෑගල මැහිඇල්ල ශ්‍රී නීග්‍රෝධාරාමාධිපති අතිපූජනීය කිතුල්ගොල්ලේ ඥාණරතන ස්වාමීන්ද්‍රයන් වහන්සේ ද වැඩමකළ අතර ත්‍රිවිධ හමුදා නිලධාරීන් ඇතුළු රාජ්‍ය නිලධාරීන් විශාල පිරිසක් සහභාගී වූහ. පැරණි සිරිත් සිහිකරමින් අස්වැන්න නෙලූ ගම්මානයන්හි සිදුකරනා දේවතාබලිය ලෙස ගම්මඩු ශාන්ති කර්මයක් ද මීට සමඟාමීව විහාර භූමියේ පවත්වන ලදී. දිනෙන් දින අපහට අහිමි වී යන අස්පර්ශීය උරුමයන් යලි ජීවමාන කරමින් දේශීය නර්තනය හා බැඳුනු මෙවැනි පුද සිරිත් ඇතුළත් සංස්කෘතිකාංග රැක ගැනීමට සේරුවිල නාහිමිපාණන් වහන්සේ දක්වන කැපවීම මෙහිදී වඩාත් කැපී පෙනුනි. ඒ සඳහා ද විශාල ජනකායක් සහභාගී වූ අතර ගම්වාසී කුඩාදරුවන් ප්‍රථම වතාවට ගම්මඩු ශාන්තිකර්මයක් සජීවීව අත්දකිනා ලදී. හොරණ කලායතනයේ අධිපති නිලංග සම්පත් ලියනගේ නර්තනාචාර්යතුමන් ඇතුළු කණ්ඩායම මෙම ශාන්තිකර්මය පැවැත්වූ අතර ඇතුගල්පුර සංස්කෘතික සංවිධානයේ සභාපති රන්තිලක වෛද්‍යාචාර්යතුමන් ඇතුළු පිරිස විසින් සංවිධාන කටයුතු සිදුකරනා ලදී. සේරුවිල සිවිල් ආරක්ෂක බලකා අණදෙන නිලධාරී ඉන්දික ගීකියනගේ මහතා ප්‍රධාන කණ්ඩායම ද යුධහමුදාව, නාවික හමුදාව, ශ්‍රී ලංකා පොලීසිය, සේරුවිල ප්‍රාදේශීය සභාව, සේරුවිල ප්‍රාදේශීය ලේකම් කාර්යාලය ඇතුළු උපකාර කළ සියලු රාජ්‍ය ආයතනයන් සහ පුද්ගලයන් වෙත සේරුවිල මංගල රාජමහා විහාරයේ පුණ්‍යානුමෝදනාව හිමි වේ. අලුදෙනියේ සුබෝධි ස්වාමීන් වහන්සේගේ facebook පිටුව මගින් උපුටා ගන්නා ලදී...🙏🙏🙏