მეათე სამეფო (ნაწილი 1 / სერია 2) - The 10th Kingdom (Part 1 / Episode 2) (2000) (1080P) скачать в хорошем качестве

მეათე სამეფო (ნაწილი 1 / სერია 2) - The 10th Kingdom (Part 1 / Episode 2) (2000) (1080P)

• ყველა სერია:    • მეათე სამეფო - The 10th Kingdom (2000)   მეათე სამეფო (ინგლ. The 10th Kingdom) – ამერიკული ზღაპრული ფანტასტიკის ჟანრის მინისერიალი, რომლის სცენარის ავტორია საიმონ მური. იგი წარმოებულია ბრიტანული Carnival Films-ის, გერმანული Babelsberg Film und Fernsehen-ისა და ამერიკული Hallmark Entertainment-ის მიერ. სერიალი მოგვითხრობს ახალგაზრდა გოგოსა და მისი მამის თავგადასავალზე მას შემდეგ, რაც ისინი ნიუ-იორკიდან მაგიური სარკის საშუალებით პარალელურ ზღაპრულ სამყაროში გადადიან. მინისერიალის საწყისი ჩვენება შედგა NBC-ის ეთერში 2000 წლის 27 თებერვლიდან 6 მარტამდე, ხუთი ღამის განმავლობაში, საათნახევრიანი ეპიზოდებით. 2000 წელს სერიალმა მოიპოვა ემის ჯილდო საუკეთესო სათაურის დიზაინისთვის. პრემიერას 14.04 მილიონზე მეტი მაყურებელი ჰყავდა. • როლებში კიმბერლი უილიამსი ვირჯინია ლუისის როლში – ვირჯინია 21 წლის ლამაზმანია, რომელიც მამასთან ერთად ცენტრალ პარკის კიდეზე ცხოვრობს. მიუხედავად იმისა, რომ ამბობს თითქოს არც დედამისი აინტერესებს და არც პაემნები, მალევე ირკვევა, რომ თავს ძალიან მარტოსულად გრძნობს. მოგვიანებით აღიარებს, რომ დედის წასვლაში საკუთარ თავს ადანაშაულებს. თავდაპირველად მხოლოდ იმაზე ფიქრობს, როგორ დაბრუნდეს თავის სამყაროში, მაგრამ შემდეგ მაინც იღებს გადაწყვეტილებას, დაეხმაროს ვენდელს თავისი სამეფოს გადარჩენაში. საბოლოოდ, ვირჯინია იძულებული ხდება დაუპირისპირდეს იმ ტკივილს, რაც დედის მიტოვებამ გამოიწვია. მას ნელ-ნელა გრძნობა უჩნდება მგლის (სკოტ კოენი) მიმართ. ჯონ ლაროკეტი ენტონი „ტონი“ ლუისის როლში – ტონი მარტოხელა მამაა, რომელიც უმეტესად ვერ ამჩნევს ვირჯინიას ემოციურ მდგომარეობასა და პრობლემებს. სერიალის დასაწყისში მასში ეჭვი არავის ეპარება, რომ არის ზარმაცი, ეგოისტი და მშიშარა, თუმცა იძულებით ჩათრეული ახალ რეალობაში, იგი იცვლება, იბრძვის ვირჯინიას, ვენდელისა და საკუთარი თავის გადასარჩენად და ამ პროცესში ბევრად უკეთესი ადამიანი ხდება. სკოტ კოენი მგლის როლში – მგელი გათავისუფლდება ფიფქიას სახელობის ციხიდან (სადაც ის "ცხვრებზე ნადირობის" გამო ჰყავდათ დაჭერილი) მას შემდეგ, რაც ბოროტ დედოფალს ერთგულებას ეფიცება. იგი მიდის ნიუ-იორკში უფლისწულ ვენდელის მოსაძებნად და იქვე ხვდება ვირჯინიას, რომლითაც მაშინვე მოიხიბლება. ფილმის დიდ ნაწილს ის ვირჯინიასა და ტონის სამეფოებიდან გაქცევაში ეხმარება და თანდათან უფრო და უფრო უყვარდება ვირჯინია. დაიან უისტი კრისტინ უაიტის (ბოროტი დედოფლის) როლში – ფილმის მთავარი ანტაგონისტი და უფლისწულ ვენდელის დედინაცვალი. იგი სამუდამო პატიმრობით იყო დასჯილი ვენდელის ორივე მშობლის მკვლელობისა და თავად ვენდელის თითქმის მოკვლის გამო. მოგვიანებით ირკვევა, რომ ის ვირჯინიას გაქცეული დედაა. სერიალის სიუჟეტამდე დიდი ხნით ადრე კრისტინს ნერვული შეტევა დაემართა, ვირჯინიას მკვლელობის წარუმატებელი მცდელობის შემდეგ გაიქცა და შემთხვევით აღმოაჩინა მოგზაური სარკე. ის შავ ჭაობში მოხვდა, სადაც ფიფქიას ბოროტი დედინაცვალი ცხოვრობდა, რომელმაც იგი თავის შეგირდად აიყვანა. სერიალის სიუჟეტი დედოფლის გეგმას ასახავს, რომელიც ცხრავე სამეფოს დაპატრონებას ისახავს მიზნად. სერიალის დასაწყისში იგი ციხიდან გამოდის და ვენდელს ძაღლად აქცევს. დენიელ ლაპაინი უფლისწულ ვენდელის როლში – ფიფქიას შვილიშვილი, მეოთხე სამეფოს თავხედი, განებივრებული და სევდიანი მემკვიდრე. სერიალის დიდ ნაწილს ის ოქროსფერი რეტრივერის სახით ატარებს. შეუძლია მხოლოდ ტონთან კომუნიკაცია და თანდათან უფრო თავმდაბალი და პასუხისმგებლიანი ხდება. თავგადასავლების შემდეგ, როცა ის ტონით შთაგონებულია, ინტერესდება მეათე სამეფოთი (ნიუ-იორკით) და სთხოვს ტონის, რომ აუშენოს „Bouncing Castle“, რითაც მას ინდუსტრიული რევოლუციისკენ უბიძგებს. რუტგერ ჰაუერი მონადირის როლში – ბოროტი დედოფლის მონადირე, რომელსაც ევალება ვირჯინიასა და ტონის მოკვლა. მის ხელშია მაგიური არბალეტი, რომელიც ყოველთვის მიზანში (გულში ხვდება მსხვერპლს. მონადირე სრულიად ერთგულია დედოფლის და მტკიცედ სჯერა ბედისწერის. მას არანაირი თანაგრძნობა არ გააჩნია. ედ ონილი ტროლების მეფის როლში – ტროლების სამეფოს მეფე და ბარლის, ბლაბერვორტის და ბლუბელის მამა. თავდაპირველად დედოფალთან ერთიანდება, მაგრამ მოგვიანებით ტოვებს მის გეგმებს და თავად ცდილობს მეოთხე სამეფოს დაპყრობას. ჰიუ ოგორმანი, დონ ლუისი და ჯერემია ბირკეტი – ბარლი, ბლაბერვორტი და ბლუბელი – სამი და-ძმა ტროლი, რომლებიც მამამისმა ფიფქიას სახელობის ციხიდან გაათავისუფლა. მალე ბოროტი დედოფალი მათ ვენდელის, ხოლო შემდეგ ვირჯინიასა და ტონის დაჭერას დაავალებს. დიდ ნაწილს ისინი ოქროს ქანდაკებად ატარებენ, მას შემდეგ რაც ტონი მაგიურ ჯადოს არასწორად გამოიყენებს. კამრინ მანჰაიმი ფიფქიას როლში – მისი სახელი სერიალში ბევრჯერ იხსენიება, თუმცა საბოლოოდ მხოლოდ ვირჯინიას და ძაღლის სახით მყოფ პრინც ვენდელს ეცხადება ყინულოვან მღვიმეში, ყინულის სარკოფაგში. იგი იცავდა ვირჯინიას დედოფლისგან. შეხვედრისას ფიფქია ვირჯინიას საკუთარ ბავშვობას უყვება და ეუბნება, რომ იგი განწირულია დიდი საქმეებისთვის. ასევე აძლევს რჩევას, როგორ დაამარცხოს ბოროტი დედოფალი. ენ-მარგრეტი კონკიას როლში – ერთ-ერთი უძველესი ცოცხალი ზღაპრული პრინცესაა ცხრავე სამეფოში. მოირა ლისტერი ვირჯინიას ბებიის როლში – სძულს თავისი სიძე ტონი, რადგან იგი "ქვედა ფენას" ეკუთვნის, თუმცა ძალიან უყვარს ვირჯინია და მიაჩნია, რომ ის მაღალი წრის წარმომადგენელზე უნდა დაქორწინდეს.