Nuk ka sherbesa fetare, Imzot Frendo: Mos e provokoni Zotin, merrni masat | ABC News Albania скачать в хорошем качестве

Nuk ka sherbesa fetare, Imzot Frendo: Mos e provokoni Zotin, merrni masat | ABC News Albania

Deri në 3 prill të gjitha selitë fetare kanë anuluar çdo shërbesë, ceremoni, lutje apo falje, për të shmangur kështu grumbullimin e njerëzve. Shtëpitë e Zotit janë të hapura, por të zbrazura. Imzot Xhorxh Frendo jep këshillat e tij për besimtarët, por duke mbajtur distancën e kërkuar gjatë kësaj interviste. “Ne kishat tona pezullohen të gjitha aktivitetet. Mos të preken statujat në kishë”, u shpreh ai. Këshilla më e fortë e drejtuesve fetarë është kujdesi dhe mos lënia e çdo gjëje në dorën e zotit. Xhamitë nuk do të organizojnë faljet e përditshme të namazit, ndërsa në zonat e prekura do të anulohet dhe falja e së premtes. “Pas rrezikshmërisë në zonën tuaj, anulohen namazet e xhumasë”, tha Dorian Demetja, Drejtor i Arsimit dhe Kultures ne KMSH. Klerikët do të jenë pjesë e ceremonive mortore, por pa grumbullim njerëzish. “Nuk është e nevojshme të vijnë të gjithë. Edhe me pak veta namazi realizohet”. Dyert e kishave apo xhamive nuk do të mbyllen për ata që duan të komunikojnë me Zotin. “Privatisht çdo person, çdo besimtar ka mundësi të vijë në Kishë”. Kisha Ortodokse ende nuk ka marrë një vendim për të pezulluar lutjet e së dielës, ndërsa të dyja fetë kanë përpara muajin më të rëndësishëm në kalendarët e tyre. Të krishterët kanë Pashkët në prill, ndërsa në 24 prill nis edhe muaji i Ramazanit. /abcnews.al