Сўхда тўқнашув: Юзлаб одам жароҳатланди, ҳокимни тошбўрон қилишди, Бош вазир катта ваъдалар берди скачать в хорошем качестве

Сўхда тўқнашув: Юзлаб одам жароҳатланди, ҳокимни тошбўрон қилишди, Бош вазир катта ваъдалар берди

Ўзбекистоннинг Фарғона вилояти Сўх туманидаги, Қирғизистоннинг Боткен вилоятига туташ, Чашма қишлоғида сув устида яна тўқнашув бўлди. Гувоҳлар кўрсатмаси ва расмий баёнотларга кўра, жанжалда икки тарафдан мингдан ошиқ одам қатнашган, томонлар бир-бирини тошбўрон қилган, бир неча уйга ўт қўйилган. Расмий маълумотга кўра, Сўх тумани шифохонасига ўқ еган ва жароҳатланган 187 ўзбекистонлик келтирилган, буларнинг 3 нафари ов милтиғидан яраланган, 15 нафари вертолётда вилоят шифохоналарига олиб кетилган. Қирғизистон Соғлиқни сақлаш вазирлиги 25 қирғизистонлик жароҳатланганини хабар қилди. Булардан 4 нафари шифохонанинг жонлантириш бўлимида, 2 нафарининг аҳволи оғир. Ўзбекистон ва Қирғизистон ҳукумати раҳбарлари "Чашма" чегара пунктида учрашиб, зииддиятнинг эскалациясига йўл қўймаслик ҳақида келишиб олди. 1 июнь куни Бош вазир Арипов норози бўлиб йиғилган юзлаб сўхлик билан шахсан учрашди, президент Мирзиёев номидан чегара, сув ва яйлов муаммосини ҳал қилиб беришни ваъда қилди.