ការតស៊ូ និង ការមើលងាយ របស់កំពូលតារាកំប្លែងរបស់ពិភពលោក Mr.Bean скачать в хорошем качестве

ការតស៊ូ និង ការមើលងាយ របស់កំពូលតារាកំប្លែងរបស់ពិភពលោក Mr.Bean

Rowan Atkinson ឬ Mr. Bean កើតក្នុងគ្រួសារដែឡមានជីវភាពមធ្យមមួយ ប៉ុន្តែបទពិសោធន៍ដ៏អាក្រក់បំផុតរបស់គាត់កាលពីនៅក្មេង គឺការនិយាយត្រឌិត ហើយគាត់ក៏ត្រូវបានគេសើចចំអក ដោយសាររូបរាងខាងក្រៅរបស់គាត់ដែរ។ ក្មេងៗជុំវិញគាត់ចោទថា គាត់មានមុខមាត់អាចក្រក់ដូចជាមនុស្សភពផ្កាយ ពួកគេមើលងាយ សើចចំអក តាមតែពួកគេនឹកឃើញ និងគំនិតពួកគេ។ពួកគេទុក Mr.Beenប្រៀបដូចជាមនុស្សចម្លែក អញ្ចឹងដែរ។ គាត់ក្លាយទៅជាក្មេងដែលអៀនខ្មាស់ និង មិនមានមិត្តភក្តិច្រើនឡើយ។ គ្រូម្នាក់របស់គាត់បាននិយាយថា ខ្ញុំមើលមិនឃើញថា Mr.Been ជាសិស្សពួកែទេ ក៏មិនដែលរំពឹងថាគាត់និងក្លាយទៅជាអ្នកវិទ្យាសាស្រ្តដ៏អស្ចាយ្យអីដែរ។ តែគាត់បានធ្វើអោយមនុស្សគ្រប់គ្នាស្រឡាំងកាំង បន្ទាប់ពី សាកលវិទ្យាល័យដ៏ល្បីបំផុតមួយ គឺ សាកលវិទ្យាល័យ Offord បានទទួលរូបគេចូលរៀន។ កំឡុងពេលដែលគាត់បានរៀននៅទីនោះ គាត់បែជាមានចំណាប់អារម្មណ៍ លើការសម្តែងទៅវិញ ប៉ុន្តែគាត់មិនអាចសម្តែងទេ ព្រោះគាត់មិនអាចនិយាយបានល្អ។ គាត់ក៏សម្រេចទៅរៀនផ្នែក អគ្គីសនីទៅវិញ មុនពេលដែលគាត់បានសម្តែងក្នុងភាពយន្ត ឬ កម្មវិធីទូរទស្សន៍។ បន្ទាប់ពីបញ្ចប់ការសិក្សា Mr.Been ក៏សម្រេចចិត្តបន្តក្តីស្រមៃរបស់គាត់ដើម្បីក្លាយទៅជាតារាសម្តែង។ គាត់បានចូលជាសមាជិកនៃក្រុមកំប្លែងមួយ។ មិនខុសពីមុនទេ កម្មវិធីទូរទស្សន៍ជាច្រើនបដិសេធន៍គាត់ព្រោះតែ ការនិយាយត្រឌិត។ គាត់ក៏មិនដែលបញ្ឈប់ក្តីស្រមៃរបស់គាត់ដែរ បើទោះបីជាត្រូវគេបដិសេធន៍ប៉ុន្មានដងក៏ដោយ។ គាត់តែងជឿជាក់ខ្លួនគាត់ជានិច្ច។ គាត់មានជំនឿចិត្តយ៉ាងម៉ុតមាំក្នុងការបង្កើតភាពសើចសប្បាយអោយមនុស្សគ្រប់គ្នា។ គាត់ដឹងថា គាត់អាចធ្វើបាន។ ផ្លូវចាស់មិនបានផល គាត់បានបង្កើតផ្លូវថ្មីមួយដែលសាកសមនិងគាត់ គឺបង្កើតរឿងកម្លែងមួយដោយខ្លួនគាត់ផ្ទាល់។ គាត់អាចសរសេរអ្វីដែលគាត់ស្ទាត់ជំនាញក្នុងការនិយាយ គាតអាចសម្តែង ជាមួយចរិកដែលជារបៀបគាត់។ គាត់បាននិយាយថា ខ្ញុំបានដឹងយ៉ាងច្បាស់ថា ការដែលលេងជាចរិករបស់អ្នកដទៃ ឬ និយាយរតាមបែបអ្នកផ្សេង គឺខ្ញុំមិនអាចធ្វើបានល្អទេ។ ខ្ញុំបានស្វែងរកផ្លូវដ៏សាកសមជាមួយការដែលជាមនុស្សនិយាយត្រឌិតដូចខ្ញុំ និងថែមទាំងយកចរិកលក្ខណៈរបស់ខ្ញុំចូលទៅក្នុងសាច់រឿងទៀតផង។ នៅពេលគាត់រៀននៅសាកលវិទ្យាល័យគាត់ ឈ្មោះ Mr.Been ក៏ចាប់ផ្តើមល្បីល្បាញឡើង។ គាត់មិនបានកែប្រែខ្លួនគាត់ពី ទៅជាមនុស្សផ្សេងដើម្បីជោគជ័យឡើយ ប៉ុន្តែគាត់បានអភិវឌ្ឍន៍អ្វីដែលជាគាត់ ទៅជាបុគ្គដ៏អស្ចារ្យម្នាក់។ គាត់បានក្លាយទៅជា តារាកំប្លែងដែលជោគជ័យបំផុត និង ត្រូវបានគេទទួលស្គាល់យ៉ាងច្រើនបំផុត នៅទូទាំងពិភពលោក។ អ្នកអាចរៀនសូតពីការលើកទឹកចិត្តដ៏អស្ចារ្យពីគាត់បាន តាមរយៈរឿងដ៏ល្អបំផុតមួយចំនួនដូចជា ការប្តេជ្ញាចិត្ត ការប្រឹងប្រែងធ្វើការ ការពុះពារ និង មិនដែលបោះបង់ចោលទេ។ គាត់មិនដែលយកអារម្មណ៍ ដែលទន់ជ្រាយមកដាក់សំពាធលើខ្លួនគាត់ ឡើយ។ មនុស្សខ្លះគិតថា ការនិយាយត្រឌិត ជារឿងគួរអោយខ្មាស់ និង ពិបាកទទួលជោគ តែ Mr.Bean បានច្នៃវាទៅជារបស់មួយដែលនាំគាត់ទៅរកភាពជោគជ័យដូចដែលយើងបានឃើញ និងទទួលស្គាល់ស្រាប់ទៅហើយ។ ជីវិត និងផ្តល់រង្វាន់ដល់អ្នក គឺអ្នកដែលតែងតែដើរទៅមុខ ដោយច្បាស់លាស់បំផុត។ រៀងរាល់ថ្ងៃ រឿងដែលចាំបាច់បំផុត គឺការសម្រេចចិត្ត។ អ្នកប្រហែលជាធ្លាប់ បរាជ័យ ឬ អ្នកប្រហែលជាធ្លាប់មានរឿងដ៏លំបាកជាច្រើនកាលពីមុន ដែលវាជាហេតុផលធ្វើអោយអ្នកបារម្ភនិងខ្លាចរអា។ រៀនសូត្រពីរឿងទាំងនោះឡើងវិញ ព្រោះការបរាជ័យវានិងប្រាប់អ្នក ពីអ្វីដែលអ្នកខ្វះខាត។ អ្នកអាចនិងមានចំណុចអស្ចារ្យ ជាខ្លួនអ្នក សូមស្វែងរកភាពខ្លាំងរបស់ខ្លួនឯង ជាមួយស្នាមញញឹម ។ កុំឧស្សាហ៍យកភាពទន់ខ្សោយមកបំផ្លាញមហិច្ឆតាខ្លួនឯងពេក ព្រោះវាប្រហែលមិនបានជួយអ្នកឡើយ តែវាអាចនិងសម្លាប់ការប្រឹងប្រែងអ្នក។ ប្រសិនបើអ្នកនៅមានដង្ហើមនៅឡើយ ឱកាសជោគជ័យរបស់អ្នកនៅតែមាន។