පුනරින් කඳවුරේ කොටුවී සිටි භටපිරිස් බේරාගැනීමට කමාන්ඩෝ සෙබළුන් කල ක්‍රියාන්විතය SL commando mission скачать в хорошем качестве

පුනරින් කඳවුරේ කොටුවී සිටි භටපිරිස් බේරාගැනීමට කමාන්ඩෝ සෙබළුන් කල ක්‍රියාන්විතය SL commando mission

1993 වසරේ නොවැම්බර් 13වන දින පාන්දර තුනට පමණ LCM යාත්‍රාවක් මගින් මෙම කමාන්ඩෝ සෙබළුන් රැගෙන යන ලද අතර පසුව නාවික හමුදාවේ ඩිංගි යාත්‍රා පහක් හා වෝටර් ජෙට් යාත්‍රාවක් උපයෝගී කරගනිමින් පුනරින් කඳවුර වෙත ගොඩ බැස්සවීම සඳහා රැගෙන යාමට කටයුතු සූදානම් කරන ලදී. තරු එළියෙන් පමණක් ආලෝකය ලබා ගනිමින් වෙරළට කිලෝමීටර 3ක් පමණ දුරින් ගැඹුරු මුහුදේදී කඹ හා ලණු ඉණිමං ආධාරයෙන් අවි ආයුධ සහ අමතර වෙඩි උණ්ඩ ඇතුළු ඳ්‍රව්‍ය සහිත කිලෝ 70ක් පමණ බරකින් යුත් පැක් සමඟ ශරීරාරක්ෂක ආවරණ පැලඳගත් කමාන්ඩෝ සෙබළුන් ඩිංගි යාත්‍රා හතරක් වෙත බැසගත්තේය. මෙම කමාන්ඩෝ සෙබලුන් කණ්ඩායම ගොඩබිම වෙත රැගෙන යාමේ කටයුත්ත භාරව කටයුතු කරන ලද්දේ කමාන්ඩ රවින්ද්‍ර විජේගුණවර්ධන, ලුතිනන් සමන්ත ගාල්ලගේ ඇතුළු නාවික හමුදා විශේෂ යාත්‍රා බලගණයේ නිලධාරීන් තිදෙනකු හා නැවියන් පිරිසක් වූ අතර මෙම මෙහෙයුම විශේෂ යාත්‍රා බලඝණයේ ප්‍රථම මෙහෙයුම වූ අතර එම බලඝණය පිහිටුවා ඒවනවිට ගතව තිබූයේ දින සතරකි. කොමාන්ඩෝ සෙබළුන් කණ්ඩායම රැගත් නාවික හමුදා යාත්‍රා පුනරින් වෙරළ බලා යාත්‍රා කරමින් තිබූ අවස්ථාවේ වැහි මන්දාරමක් සමග ඝන මීදුම් වලාවකින් එම මුහුදු තීරය වැසී ගිය අතර පුනරින් කඳවුරෙහි එම පෙදෙස අත්පත් කරගෙන සිටි ත්‍රස්තවාදීන් හට මෙම භට පිරිස ආසන්නයටම පැමිණෙන තුරු නිරීක්ෂණය නොවූ හෙයින් ත්‍රස්තවාදීන් වික්ෂිප්තව .50 අවි කීපයක් උපයෝගී කරගනිමින් එක පෙළට තමුන් දෙසට පැමිණෙමින් තිබූ කමාන්ඩෝ සෙබළුන් රැගත් නාවික හමුදා යාත්‍රාවන් වෙත වෙඩි ප්‍රහාර එල්ල කල අතර කමාන්ඩ රවින්ද්‍ර විජේගුණවර්ධන සහ කමාන්ඩෝ රෙජිමේන්තුවේ දෙවන ලුතිනන් සම්පත් බුලත්ගමුව පැමිණි වෝටර් ජෙට් යාත්‍රාවේ තිබූ අවියෙන් ආවරණ වෙඩි සපයන අතරතුර කමාන්ඩෝ සෙබළුන්ද MPMG, LMG අවි උපයෝගී කරගනිමින් ත්‍රස්තවාදීන් වෙත ක්ෂණික ප්‍රහාරයක් එල්ල කරමින් ගොඩ බිම වෙත සේන්දු වීමට හැකි වූ අතර නාවික හමුදා බෝට්ටු කමාන්ඩෝ සෙබළුන් බස්සවා දෙවන කමාන්ඩෝ සෙබළුන් කණ්ඩායම රැගෙන ඒම සඳහා ක්ෂණිකව නැවත හරවා පිටත්ව යන ලදී. වෙරළට පිවිසි කපිතාන් රණතුංග ඇතුළු කමාන්ඩෝ සෙබළුන් අට දෙනාගේ කණ්ඩායම් සතර අංශක 180ක භූමිය ආවරණය වන පරිදි ස්ථානගතවු අතර වැලිකදු සහිත උස් භූමි ප්‍රථමයෙන් අත්පත් කරගැනීමට කටයුතු කලේය. ප්‍රථම බිම්කඩ අල්ලා ගැනීමෙන් අනතුරුව ත්‍රස්තවාදීන් පලවාහැර ඔවුන් යටතේ තිබූ භූමි ප්‍රදේශය සුළු මොහොතකින් තම ග්‍රහණයට ගැනීමට මෙම කමාන්ඩෝ සෙබළුන් සමත් වූහ. මෙම අවස්ථාවේදී ගුවන් හමුදාවේ පුකාරා සහ සියාමාර්චෙට්ටි ප්‍රහාරක යානා මගින් ත්‍රස්තවාදීන්ගේ ඉලක්කයන් වෙත ප්‍රහාර එල්ල කරමින් කමාන්ඩෝ සෙබළුන් හට ගොඩබිම වෙත ප්‍රවිශ්ඨ වීම පිණිස විශිෂ්ඨ සහයොගයක් ලබා දෙන ලදී. ත්‍රස්තවාදීන්ගේ ප්‍රහාරයන්ට ලක්ව තුවාළ ලබා සිටි යුධ හා නාවික හමුදා සෙබළුන් තිස් හයදෙනෙකු මෙම කමාන්ඩෝ සෙබළුන් විසින් මුදාගන්නා ලද අතර ඔවුන්හට මූලික ප්‍රථමාධාර ලබාදීමටද කටයුතු කරනු ලැබීය. ප්‍රථම කමාන්ඩෝ භට කණ්ඩායම නිරුපද්‍රිතව පුනරින් වෙරළට ගොඩබැස්සවූ නාවික හමුදා විශේෂ යාත්‍රා බලඝණයේ කමාන්ඩර් රවින්ද්‍ර විජේගුණරත්න කණ්ඩායම නැවතත් ගැඹුරු මුහුදේ නවතා තිබූ LCM යාත්‍රාව වෙත ගොස් මේජර් චන්ද්‍රසේන ඇතුළු කමාන්ඩෝ සෙබළුන් කණ්ඩායම රැගෙන ඒමෙන් අනතුරුව එම කමාන්ඩෝ භටපිරිස් භූමියේ ආරක්ෂාව තහවුරු කිරීමෙන් පසු හෙලිකොප්ටර් යානා හා නාවික හමුදා LCM යාත්‍රා මගින් සෙසු ⁣හමුදා කණ්ඩායම් පුනරින් වෙත රැගෙන ඒමට කටයුතු කරන ලදී. ලුතිනන් කර්නල් සුසිල් උඩුමලගල අණදුන් 6වන ගැමුණු හේවා බලඇණියේ භට කණ්ඩායම් හා ලුතිනන් කර්නල් නිමල් ජයසූරිය අණදුන් තුන්වන පාබල රෙජිමේන්තුවේ භට කණ්ඩායම්ද පැමිණ පුනරින් කඳවුරු භූමිය යලි අත්පත් කරගන්නා ලදී.ත්‍රස්තවාදීන්ගේ ග්‍රහණයට නතුව තිබූ පුනරින් හමුදා කඳවුර මුදාගැනීම සඳහා ත්‍රිවිධ හමුදාව ඒකාබද්ධව කමාන්ඩෝ සෙබළුන් ගොඩබැස්සවීම සඳහා සිදුකල සාර්ථක ක්‍රියාන්විතය එසේ නිමාවට පත්විය. Script Writer -Buddhika Dissanayake Editor- Kasun Udara 2D Animation- Anjana Chanakya Voice Over - Paviththra Madhushan