कोरोना विषाणू скачать в хорошем качестве

कोरोना विषाणू

भारतातल्या कडक आरोग्य तपासणी व्यवस्थेमुळेच देशात कोरोना या घातक विषाणूचा शिरकाव होऊ शकलेला नाही, असं केंद्रीय आरोग्यमंत्री डॉ. हर्षवर्धन यांनी सांगितलं आहे. ते काल नवी मुंबई इथं राष्ट्रीय जनआरोग्य प्रशिक्षण आणि संशोधन संस्थेच्या नव्या इमारतीच्या लोकार्पण कार्यक्रमात बोलत होते.यापूर्वी इबोला, निपाह आणि स्वाईन फ्लूच्या विषाणूंचा प्रतिबंध करण्यासाठी तज्ज्ञ डॉक्टरांनी केलेल्या प्रयत्नांची त्यांनी प्रशंसा केली. जागतिक आरोग्य संघटनेनं निर्धारित केलेलं सर्वांसाठी आरोग्य हे उदिद्ष्ट साध्य करण्याची क्षमता भारतानं विकसित केली आहे, असं त्यांनी सांगितलं. रुग्ण आणि डॉक्टर यांचं परस्परांशी असलेलं प्रमाण जागतिक आरोग्य संघटनेच्या मानकानुसार करण्याच्या दिशेनं भारताची वाटचाल सुरु आहे, असा विश्वास त्यांनी व्यक्त केला. देशातल्या एम्स रुग्णालयांची संख्या २२ वर पोहोचली आहे अशी माहिती त्यांनी दिली. देवनार इथं आंतरराष्ट्रीय लोकसंख्या विज्ञान संस्थेत बांधण्यात येणाऱ्या शैक्षणिक आणि प्रशासकीय इमारतीचा शिलान्यासही त्यांच्या हस्ते काल झाला. या संस्थेत होत असलेलं संशोधन देशासाठी महत्त्वाचं असल्याचं त्यांनी सांगितलं. माता मृत्यूदर कमी करण्यात महाराष्ट्राच्या प्रयत्नांचं त्यांनी यावेळी कौतुक केलं.