Lirohet Ramush Haradinaj, gjykata e Hagës shpall të pafajshëm ish-luftëtarin e UÇK-së - 3 Prill 2008 скачать в хорошем качестве

Lirohet Ramush Haradinaj, gjykata e Hagës shpall të pafajshëm ish-luftëtarin e UÇK-së - 3 Prill 2008

Lajme arkiva 2008 Ramush Haradinaj ka fituar lirinë. Ish-kryeministri i Kosovës është shpallur i pafajshëm nga gjykata e Kombeve të Bashkuara për krime të luftës në Hagë. Ajo e ka shfajësuar Haradinaj nga të gjitha akuzat për krime lufte dhe krime kundër njerëzimit dhe ka urdhëruar lirimin e menjëhershëm të tij. Edhe i akuzuari tjetër Idriz Balaj u shpall i pafajshëm dhe u shfajësua nga të gjitha akuzat. Ndërsa Lahi Brahimaj u shpall fajtor për dy akuza, trajtim mizor dhe torturë si shkelje të ligjeve të luftës, duke u dënuar me 6 vjet burg. Periudhë që përfshin edhe kohën që ka kaluar në burg rreth 3 vjet. Pas përfundimit të procedurave formale Haradinaj do të kthehet në Kosovë. Procesi ndaj të treve nisi më 5 mars të vitit 2007 dhe përfundoi më 23 janar të vitit 2008. Aktpadia kundër Haradinaj, i cili njëherësh është edhe kryetari i Aleancës për Ardhmërinë e Kosovës u ngrit vetëm 100 ditë pasi ai u emërua kryeministër i Kosovës. Prej këtij posti ai dha dorëheqjen më 8 mars të vitit 2005 duke u nisur të nesërmen vullnetarisht në Hagë. Gjatë ditës udhëheqësit kosovar shprehën besimin e tyre në pafajësinë e Haradinaj dhe ish-luftëtarëve të UÇK-së duke çmuar rolin e tyre në periudhën e atëhershme në Kosovë. Haradinaj është një figurë e vlerësuar edhe nga autoritete të shumta ndërkombëtare, ish-shefi i misioni të Kombeve të Bashkuara Soren Jessen-Petersen e pat përshkruar Haradinajn si një mik dhe njeri me lidership dinamik, përkushtim dhe vizion. Vendimi i Hagës u prit me shumë gëzim në shtetin më të ri të Evropës, në rrugët e Prishtinës janë vendosur mbishkrimet në mbështetje të Haradinajt ku thuhet, “Kosova të mirëpret”./tvklan.al Gazetare: Urita Dokle SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/