Gjyqtarët që po lirojnë nga burgu të dënuarit me burgim të përjetshëm, emrat që u shkarkuan скачать в хорошем качестве

Gjyqtarët që po lirojnë nga burgu të dënuarit me burgim të përjetshëm, emrat që u shkarkuan

Duke shfrytëzuar disa hapësira në legjislacionin penal, lojëra procedurale si dhe ditët që u kanë mbetur para se të japin llogari përballë organeve të Vetingut për vendimmarrjet e tyre, një grup gjyqtarësh, vitet e fundit, po lirojnë qelitë anëtarët dhe krerët e bandave kriminale më famëkeqe në Shqipëri, të dënuar me burgim të përjetshëm. Vendimi i fundit ishte ai i gjyqtares së Krujës Enkelejda Hoxha, e cila pranoi kërkesën e avokatit për shuarjen e dënimit të përjetshëm për ish-numrin dy të bandës së Durrësit Endrit Dokle, duke e ulur në 25 vite dhe liruar më pas me kusht, me 5 vite në shërbim prove. Në nëntor të 2017, Enkelejda Hoxha ka liruar nga burgu edhe Genc Tafilin, i dënuar me 25 vite burg për vrasjen e komisarit të policisë Arben Zylyftarit. Tfili kishte bërë vetëm 17 vite burg. Duke qenë gjyqtare e shkallës së parë, Enkelejda Hoxha nuk figuron ende në asnjë listë me emra të zgjedhur me short nga Komisioni i Vetingut, për t’iu nënshtruar verifikimit për pasurinë, pastërtinë e figurës dhe vendimmarrjet.