Gənclər və İdman Nazirliyi istedadlı və yaradıcı gəncləri mükafatlandırıb скачать в хорошем качестве

Gənclər və İdman Nazirliyi istedadlı və yaradıcı gəncləri mükafatlandırıb

Fevralın 2-də Gənclər və İdman Nazirliyinin təşkilatçılığı ilə Beynəlxalq Muğam Mərkəzində Azərbaycan Gəncləri Günü münasibətilə istedadlı və yaradıcı gənclərin mükafatlandırılması mərasimi keçirilib. Tədbirdə 2019-cu ildə yüksək fəallığı ilə seçilən gənclər və gənclər təşkilatları mükafatlandırılıblar. 2019-cu ildə, həmçinin gənclərimizin inkişafı istiqamətində bir sıra böyük layihələr həyata keçirilib. Gənclərə təqdim olunan Prezident mükafatlarının sayı 2019-cu ildə artırılaraq 10-a çatdırılıb. Bu mükafatlar informasiya texnologiyaları, iqtisadiyyat və digər sahələri əhatə edir. 2020-ci ilin “Könüllülər ili” elan olunmasını Prezident İlham Əliyevin Azərbaycan gəncliyinə göstərdiyi xüsusi diqqətin təzahürü olduğunu vurğulayan nazir Azad Rəhimov ölkəmizdə könüllülük hərəkatının daha da artmasının cəmiyyətdə gənclərin inkişafına və könüllülük mədəniyyətinin formalaşmasına böyük töhfə verəcəyinə əminliyini ifadə edib. Diqqətə çatdırıb ki, bu il könüllülərlə bağlı bir çox maraqlı tədbirlərin təşkili nəzərdə tutulur. Azad Rəhimov Prezident İlham Əliyev tərəfindən 2019-cu ildə “Yüksəliş” müsabiqəsinin təsis edilməsi haqqında Sərəncam imzalanmasını xüsusi qeyd edib. Bildirib ki, yeddi mindən çox gənc artıq bu müsabiqədən qeydiyyatdan keçib. Azərbaycanın gələcək liderləri bu böyük və uğurlu bir layihə vasitəsilə formalaşacaq, savadlı, bilikli, yeni nəsil idarəçiləri olan gənclər müxtəlif vəzifələrdə çalışacaq və ölkəmizi parlaq gələcəyə aparacaqlar. Prezident İlham Əliyev də hər zaman çıxışlarında Azərbaycan gənclərinin fəal, vətənpərvər, bilikli olduğunu vurğulayır, onlara inanır və daim dəstəkləyir. Mərasimdə Masallı şəhərinin 2020-ci il üçün Azərbaycanın “Gənclər paytaxtı” seçildiyi rəsmən elan edilib. Bildirilib ki, Masallı “www.genclerpaytaxti.az” saytında keçirilmiş onlayn səsvermənin qalibi olub. “Gənclər paytaxtı”nın rəmzi açarı Masallı Şəhər İcra Hakimiyyətinin nümayəndəsinə təqdim edilib. Tədbir bədii hissə ilə davam edib. #AzərbaycanGəncləriGünü #gənclərinmükafatlandırılması #GənclərvəİdmanNazirliyi #GənclərGünü #Gənclərpaytaxtı #Azərbaycangəncliyi #gənclər #молодежь #МинистерствомолодежииспортаАзербайджана #MysAz #MysGovAz #MinistryofyouthandsportoftherepublicofAzerbaijan