Tv Klan - Ish-krerët e UÇK: Jemi të pafajshëm скачать в хорошем качестве

Tv Klan - Ish-krerët e UÇK: Jemi të pafajshëm

Që në nisje të fjalës së tij përfundimtare përpara Gjykatës Speciale të Hagës, ish-presidenti i Kosovës Hashim Thaçi ishte i prerë në pafajësinë e tij. “Për gati 3 vjet në këtë sallë gjyqi ju keni dëgjuar akuzat e Prokurorisë dhe argumentet e mbrojtjes. Ju keni parë faktet, ju keni dëgjuar edhe të vërtetën. Është vetëm një e vërtetë që akuzat nuk qëndrojnë. Unë jam plotësisht i pafajshëm.” Thaçi u shpreh se iu bashkua UÇK-së pasi pa se populli i tij po përballej me shfarosje dhe se armiku i vetëm i tij ishte Sllobodan Millosheviçi. “Bëra atë që do ta bënte secili. Për këtë jam shumë krenar dhe nuk i bie pishman asnjëherë”. Akuzat e prokurorisë i konsideroi të pabaza dhe për më tepër fyese. “Prokuroria pretendon se ishte marrja dhe ushtrimi i kontrollit të Kosovës. Kjo jo që është tërësisht e pavërtetë, tejet absurde- por është edhe thellësisht ofenduese. Është ofendim për kujtimin e mijëra heronjve që dhanë jetën për liri.” Akuzat e prokurorisë, të cilat i quajti të pabaza tha se i kishte dëgjuar edhe në Kosovë. “Shumë nga akuzat që i kam dëgjuar nga kjo Prokurori, i ka dëgjuar edhe gjatë fushatave zgjedhore në Kosovë. Ama bash të njëjtat.” Tha se ai vijon ende të kritikohet në Kosovë për themelimin e kësaj gjykate, por besonte se ajo do trajtonte akuzat e Dick Marty, një gjë që nuk ndodhi. Pafajësi të plotë kërkoi edhe ish-kreu i Kuvendit të Kosovës, Kadri Vesli që deklaroi se ndaj tij prokuroria nuk solli asnjë provë. “Veprimet e mia kanë qenë njerëzore dhe ligjore. Ndërgjegja ime është e pastër. Historia ime është transparente. Unë e di kush jam. Unë e di se çfarë kam bërë dhe çfarë nuk kam bërë. Tani mund ta shoh atë çdokush edhe në këtë proces gjyqësor.” Në fjalën e tij përmbyllëse ish-kryetari i Kuvendit të Kosovës, Jakup Krasniqi tha se Gjykata Speciale i ka mohuar atij të drejtat themelore. “Qëndroj para jush jo si një kriminel siç më paraqet akt-akuza e Prokurorisë, por si një njeri i lindur dhe i kalitur në luftëra për dinjitet njerëz, në një popull që refuzoi që të zhdukej nga politikat e krimit dhe gjenocidit të Serbisë.” Akuzat ndaj prokurorisë speciale i vijoi edhe ish-deputeti Rexhep Selimi që tha se synimi i saj ishte njollosja e luftës së UÇK-së dhe pavarësisë së Kosovës. “Unë qëndroj në këtë proces me bindje dhe besim se e vërteta nuk ka arsye të ketë frikë nga drejtësia dhe se drejtësia mund të vonohet por nuk mund të mohohet kurrë”, tha ai. Në fund trupi gjykues njoftoi tërheqjen për marrjen e vendimit. Afati për shpalljen e tij është 3 muaj, nëse nuk do të kërkojnë më shumë kohë për shqyrtimin e provave. SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/