GAANO KABAGSIK SI ABU ZACHARIA? скачать в хорошем качестве

GAANO KABAGSIK SI ABU ZACHARIA?

Sa mga bundok at kagubatan ng Lanao Del Sur at matapos ang pagpuks4 kay Abu Dar na pumalit sa pinuno ng Maute ISIS at pagkaemir ng Southeast Asia, umusbong tol ang isang pangalang halos walang nakapansin sa simula. Hindi siya ang pinaka-karismatiko. Hindi rin siya ang pinaka-maingay o knowledgable sa katuruan ng kanilang paniniwala gaya ng mga nagdaang leader. Isa lang siyang mandirigmang marunong maghintay. Habang ang bansa ay abala sa pagbangon ng Marawi, siya naman ay tahimik na nag-ipon ng pwersa at karamihan ay kabataan. Sa bawat batang naliligaw, sa bawat galit na iniwan ng digmaan sa Marawi, may espasyong sinubukan niyang punan. Siya at ang mga batang narekrut niya ay pawang naglalakad sa kawalan nagtatago sa radar ng pamahalaan. Malaking hamon din sa gobyerno kung paano sila tuluyang mapupuks4 dahil bitbit nila ang susunod na henerasyon ng ekstremismong paniniwala at ang inilalagay na naman sa frontline ay ang mismong mga bata. Faharudin Hadji Benito Satar, na kilala rin bilang Faharudin Pumbaya Pangalian (minsan ay isinusulat ding Fahar Pumbaya Pangalian). Sa ilang ulat, lumilitaw din ang alyas na Jer Mimbantas na konektado sa kanyang angkan. Subalit higit siyang nakilala sa bansag na Abu Zacharia. Nagmula si Abu Zacharia sa isang kilalang pamilyang Moro sa Lanao del Sur. Pamangkin siya ni Alim Abdul Aziz Mimbantas, na dating vice chairman for military affairs ng Moro Islamic Liberation Front (MILF). Ang angkang Mimbantas (tinatawag ding Mempantas clan) ay kabilang sa mga pangunahing pamilya sa rehiyon kagaya ng pamilya Maute. Dahil dito, lumaki siyang malapit sa kilusang rebelyon ng MILF na dekadang nakibaka para sa karapatan ng mga Bangsamoro. Ngunit dumating ang taong 2012 – panahon ng pagbabago at kapayapaan para sa MILF – at dito nagsimula ang sariling landas ni Abu Zacharia. Si Abu Dar – na isa sa mga utak sa paglusob sa Marawi noong 2017 – ang itinuturing na humalili bilang pinuno ng Dawlah Islamiya o Maute-ISIS at siya rin ang itinalaga bilang bagong ISIS emir nang mapaslang ang mga Maute brothers at si Hapilon. Si Abu Zacharia naman ang naging kanang-kamay ni Abu Dar sa panahong ito. Pinatatag nila ang ugnayan sa iba pang armadong grupo, kabilang na ang ilang paksiyon ng Bangsamoro Islamic Freedom Fighters (BIFF) na kumalas sa Moro Islamic Liberation Front. True Crime Tagalog | Tagalog Crime Stories