قصيدة معيار الهاتف المحمول و الثابت - إنشاد عبدالعالي لبريكي - نظم مولاي إسماعيل العلوي السلسولي скачать в хорошем качестве

قصيدة معيار الهاتف المحمول و الثابت - إنشاد عبدالعالي لبريكي - نظم مولاي إسماعيل العلوي السلسولي

بين الهاتف المحمول مع الثابت فالدار ناض هد المعيار كونت حاضر ليهم تزايدو فلهدرا عندنا تيليفون قديم فالركينا تابت و سليم شراه جدي جابو الدار خدام هادي سبعين عام ديما جايب الخبار من بلاد بعيدا صوات صافية كتوصل من الاحباب نعمة من عند الله كترجع البعيد قريب لا شقة لا محنة الكلام سامعو بالتصال السلكي صنعوه العلما صحاب العلوم وصحاب الوهب نافعا للانسانية اليوم و عصرنا زربان وبنادم تلفان مع الزمان جري عليا نجري عليك قالوها ناس لولين الله اتبتنا على الشهادة قولو امين ونا يا ساداتي نعيدلكم كيف جرى للخصام بين هواتف تعايرو هاهو بالتفصيل بلا افتخار عندي البورطابل شاعل في جيبي بعد سرسر خرجتو للجواب بلطفة حطيتو مجاور التيليفون اللي قديم سماوه تابت يا فهيم سرحت الجريدة بديت نقرا وحدي فلبيت والسكات مخيّم حتى سهيت سمعت فلحين غوات ناض حامي وكبر بيناتهم جابد معيار متبادل مجهار صغاو ليا نحكيه تمعنو يا حضرا فلول ناض المحمول تيسرسر ونا مشغول معا الصفحة الرياضية ديال كاس العالم ملي مشيت نسمع من ناداني تنشوف التابت زعفان بدا اعاير خارج لحوال تم قايل اياالبورطابل خبرني بعدا منين طحتي و تزويتي بحال سراق الزيت نعني الى دويتي غير الشنعة اللي ديتي ونتا شايط فالزناقي عند لولاد الصغار حين ضلام الليل بيك لعبو طاب الفول يا قشوش عاشور الناس بيك تلفات و الحوادث زايدا فالطرقان سبابها نتا يا عرق النحس لجوامع داخل وعلى المومنين شوشتي فصلاستهوم محسوبك شيطان رجيم متوقر حرمى ولا مقام غادي صايق بلا لجام مزاحم فالصيكان مع الدهنة و الماكياج عند الشيخات الولعات و بنات المودا اقفزوك فالشوارع مايحشمو الو الو تشاو عملو مواعيد خاوية مادرتي ميليق شوف الكياف كيزمتك فالشكارا مع التنفحة و السبتي طويل و الشاب المزلوط افايش بيك عند لبنات يتكلم قدامهم الو سمعوني نهار الخميس غادي للطليان فميلانو نخدم باش نشري سيارة واعرة ونجيب زعرة باهرة حدايا تركب ماشيغي وانا بيها نصوق هاي غي حلام طاير فالهوى سمع يا المحمول حامل الكدوب كتخلوض بين الراجل مع مراتو داير كيف الحجاب و التعليقة تحت الجناب متدوي حتى تكون واكل لبطايق غالية و قصيرة فعمرها وكل ساعة فاضح راسك زودوني بالضو راني خويت ترجع فيك الروح يالمغرور ويلا جعتي ماتوصل لخبار او سرقك شفار كيبعك فالجوطيا وضيع النمرا شوفني ثابت و التبات من خصايل لبرار احكيك لبزار فالسويقا منك عرام كيف الخضرا ناض البورطابل زعفان جاوب الثابت بالبيان ماحشمتي ماراعتي في الركينة منسي هذا شحال بان عليك الشرف يا لمشلول ما تمشي ماتجي بخيوط مكتف و زايدها بفضحا فوق الصطح وانتيا زعما قديم وخشيم سرّك تتلاح مع لفراي ديال هتلير وودنيك مقلشين رفعو سمّاعة مخرشة معطوبة عشين عام ما يتفرز صوت لكلام سرسارك سخفان مايسمعو شي أدامي قريب وإلى سمعو بعدا كيصيب النمرة غلط يا لغالط شوف الخفة مع الضرافة داخل بين الجيوب وبنات الوقت من الشهود وأنت عايب وثقيل بحال ميزان الفاخر خصّاك حرقة بالنار ماتخلّي أثار الإستعمار مشى خلّاك فيك الجعرة دازت ايامك في الحروب شاعلة باستمرار آ الوغد المشرار والرتيلة فيك تعشش فيك الغبرة