«Վերնատուն». «Գրողն ինքն իր հետ»․ բացահայտելով Հակոբ Կարապենցին 19.02.2026 скачать в хорошем качестве

«Վերնատուն». «Գրողն ինքն իր հետ»․ բացահայտելով Հակոբ Կարապենցին 19.02.2026

Գիրք նվիրելու օրվան ընդառաջ՝ առիթ ունենք անդրադառնալու սփյուռքահայ գրող Հակոբ Կարապենցի ժառանգությանը, որն այսօր էլ շարունակում է մնալ թարմ ու սպասված բացահայտում ընթերցողների համար։ Կարապենցի գրականությունը բերում է այն լայնախոհ ու ինքնաքննադատ հայացքը, որն այնքան անհրաժեշտ է հայ ժամանակակից գրականությանը։ Նրա մտածողությունը հնարավորություն է տալիս նայել իրականությանը կողքից՝ առանց ավելորդ զարդարանքների, ինչով էլ պայմանավորված է հեղինակի արդիականությունը։ Կարապենցի գրի ինքնատիպության ու արդիականության շուրջ զրուցել ենք հեղինակի «Գրողն ինքն իր հետ» պատմվածքների ու խոհագրությունների ժողովածուի կազմող և խմբագիր Անահիտ Արամունի Քեշիշյանի հետ։ «Կարապենցն իմ իմացած ամենաուղղակի ու անկեղծ հեղինակներից է. նա չի վախենում իրադրություններից։ Նա դիմում է ինքնաձաղկման՝ թիրախում ունենալով նաև ընտանիքը, հասարակությունը, երկիրը. գնում է մինչև վերջ, մինչև ողն ու ծուծը, և հենց այդտեղ է, որ հասնում է բնազանցականին (մետաֆիզիկականին)»,— նշում է Անահիտ Արամունի Քեշիշյանը։