2. மணப்பருவமடைதல் & மணவாழ்வுக்குத் தயாராகுதல் скачать в хорошем качестве

2. மணப்பருவமடைதல் & மணவாழ்வுக்குத் தயாராகுதல்

"ஆற்றுபடுத்துதல் பட்டயப் பயிற்சியின் 20 வகுப்புகள்" பிறக்கின்ற குழந்தையிலிருந்து முதிர்ந்த வயதினர் வரை தங்கள் வளர்ச்சிப் பருவங் களில் விரும்பியோ விரும்பாமலோ, பலவித சமூக, கலாச்சார, அரசியல், பொருளாதார, ஊடக தாக்கங்களுக்கு ஆளாகின்றனர். அந்தந்த பருவத்துக்குரிய வளர்ச்சியை ஒவ்வொரு மனிதரும் அடைந்திடுவது முக்கியமானதாகும். அதனை முறையாக பெற்றுக்கொள்ள வேண்டும், சரியாக கற்றுக்கொள்ள வேண்டும் என்ற முனைப்போடுதான் வளர்ச்சிப் பருவ ஆற்றுப்படுத்துதல் பயிற்சி அளிக்கப்பட்டது. மனித வளர்ச்சிப் பருவ ஆற்றுப்படுத்துதல் துறையில் முறையான பயிற்சியும், தேவையான தேர்ச்சியும், போதுமான அனுபவமும் பெற்றுள்ள 20 உளநல ஆற்றுப்படுத்துநர்களைப் பயிற்சியாளர்களாகக் கொண்டு நடத்தப்பட்ட 100 மணிநேரப் பட்டயப் பயிற்சியின் 20 வகுப்புகளின் தொகுப்பே இந்த "மனித வளர்ச்சிப் பருவ ஆற்றுப்படுத்துதல் கையேடு” இக்கையேடு உருவாக தாங்கள் எடுத்த வகுப்புகளைத் தொகுத்து எழுதிக்கொடுத்த அனைவருக்கும் என் மனமார்ந்த நன்றி. ஆற்றுப்படுத்துதல் உலகில் புதிய வரலாறு படைக்க வரும் இந்த வளர்ச்சிப் பருவ ஆற்றுப்படுத்துதல் கையேட்டை அச்சிட்டு வெளியிட்ட அசிசி பதிப்பகம், பிழைத்திருத்தம் பார்த்தவர்கள், ஆலோசனை வழங்கியவர்கள் மற்றும் வாசித்துப் பயன்பெறவிருக்கின்றவர்கள் ஆகிய உங்கள் அனைவருக்கும் என் நெஞ்சார்ந்த நன்றியைக் கூறுவதில் பெருமகிழ்ச்சி கொள்கிறேன். தியாகங்கள் பல மேற்கொண்டு என்னையும் என் உடன்பிறப்புகளையும் பெற்று, வளர்த்து, ஆளாக்கிய என் பெற்றோருக்கு இந்நூல் அர்ப்பணிக்கப்படுவதில் பெருமகிழ்ச்சி அடைகின்றேன். அன்புடன் டாக்டர் J. பிரான்சிஸ் சேவியர் நெல்சன் இயக்குநர் போதைநோய் நலப்பணி நாகர்கோவில்