യഥാർത്ഥ സമസ്തയിൽ ഇല്ലാത്തതും പിന്നീട് കയറ്റിക്കൂട്ടിയതും | Samatha: 100 years | Varakkal Thangal скачать в хорошем качестве

യഥാർത്ഥ സമസ്തയിൽ ഇല്ലാത്തതും പിന്നീട് കയറ്റിക്കൂട്ടിയതും | Samatha: 100 years | Varakkal Thangal

യഥാർത്ഥ സമസ്തയിൽ ഇല്ലാത്തതും പിന്നീട് കയറ്റിക്കൂട്ടിയതും Samatha 100th anniversary varakkal Thangal Kanthapuram Usthad Thajul Ulama MA Usthad നൂറിന്റെ അവകാശികൾ സമസ്ത കേരള ജംഇയ്യത്തുൽ ഉലമ 1926ൽ എന്തായിരുന്നോ, എങ്ങനെയായിരുന്നോ എന്തിനു വേണ്ടിയായിരുന്നോ അതേ നിലപാടിൽ ഇന്നും നിലനിൽക്കുന്നവരാരോ അവർക്കാണ് 2026 ൽ നൂറാം വാർഷികം ആഘോഷിക്കാൻ അവകാശം. യുഗപ്രഭാവനായ സയ്യിദുനാ വരയ്ക്കൽ ബാ അലവി മുല്ലക്കോയ തങ്ങൾ, മൗലാനാ പാങ്ങിൽ എ പി അഹ്‌മദ്കുട്ടി മുസ്ലിയാർ, മൗലാനാ അഹ്‌മദ്‌ കോയ ശാലിയാത്തി, മൗലാനാ ഖുത്ബി മുഹമ്മദ് മുസ്ലിയാർ, മൗലാനാ വാളക്കുളം അബ്ദുൽ ബാരി മുസ്ലിയാർ, മൗലാനാ പറവണ്ണ മുഹ്‌യിദ്ദീൻകുട്ടി മുസ്‌ലിയാർ, മൗലാനാ കണ്ണിയത്ത് അഹ്‌മദ് മുസ്ലിയാർ തുടങ്ങിയ മഹത്തുക്കളാണ് 1926 ൽ സമസ്ത രൂപീകരിച്ചത്. അഹ്‌ലുസ്സുന്നയുടെ നിലനിൽപും ബിദ്അത്തിനെതിരായ പോരാട്ടവുമായിരുന്നു രൂപീകരണ കാലത്തെ മൗലിക ലക്ഷ്യങ്ങൾ. രാഷ്ട്രീയമോ മറ്റു ഭൗതികമാേ ആയ യാതൊരു താത്പര്യവും സ്ഥാപകർക്കില്ലായിരുന്നു. 1934ൽ റജിസ്റ്റർ ചെയ്ത ഭരണഘടനയിലോ എഴുപതുകളുടെ അവസാനം വരെയുള്ള നടപടിക്രമങ്ങളിലോ രാഷ്ട്രീയമായ യാതൊരു നിറവും നിലപാടും സമസ്തക്കു കാണുകയില്ല. എഴുപതുകളുടെ ഒടുക്കത്തിൽ ഒരു വിഭാഗം രംഗത്തു വന്നു. അവർ സമസ്തക്ക് രാഷ്ട്രീയ ഭാഷ്യം ചമച്ചു. ലീഗും ദീനും ഒന്നാണെന്നു പറഞ്ഞു. രാഷ്ട്രീയമായി ലീഗും മതപരമായി സമസ്തയും എന്ന സൂത്രവാക്യം കൊണ്ടുവന്ന് സമസ്ത:ക്ക് രാഷ്ട്രീയമില്ല; എന്നാൽ വ്യക്തികൾക്ക് രാഷ്ട്രീയമാകാം എന്ന ഇക്വേഷൻ കണ്ടുപിടിച്ചു അടുക്കളപ്പുറ വാതിലിലൂടെ രാഷ്ടീയ പ്രവേശനം തരപ്പെടുത്തി. ലീഗ് സമസ്തയുടെതും സമസ്ത: ലീഗിന്റെതുമാണെന്നു തീർത്തു പറഞ്ഞു. സമസ്തയുടെ മഹിതമായ കൊടിക്കൊപ്പം മുസ്ലിം ലീഗിന്റെ കൊടികൂടി പിടിച്ചാലെ സമസ്തയാകൂ. സമസ്തയാകണമെങ്കിൽ പാണക്കാട് കുടുംബത്തെ അംഗീകരിക്കണമെന്നും എന്നും ആ വിഭാഗം പറഞ്ഞു. എന്നാൽ വരയ്ക്കൽ തങ്ങളോ പാങ്ങിലുസ്താദോ ശാലിയാത്തിയോ അബ്ദുൽ ബാരി ഉസ്താദോ പറവണ്ണ ഉസ്താദോ ഖുതുബി ഉസ്താദോ കണ്ണിയത്ത് ഉസ്താദോ അങ്ങനെ പറഞ്ഞിട്ടില്ല. ഇവരുടെ കാലത്തും ലീഗും ആ കൊടിയും ആ കുടുംബവും ആ സയ്യിദന്മാരും ഉണ്ടായിരുന്നല്ലോ. മുസ്ലിം ലീഗിന്റെ വോട്ടുബാങ്കിനു പരുക്കേൽക്കാതിരിക്കാൻ 'സമുദായത്തിന്റെ പൊതുതാത്പര്യം' മറയാക്കി സമസ്ത:യുടെ മൗലിക നിലപാടായ 'തർക്കുൽ മുവാലാത്തി'ൽ ഇളവും വിടവും അവർ ഉണ്ടാക്കി. വരയ്ക്കൽ തങ്ങളും പാങ്ങിലും ശാലിയാത്തിയും അബ്ദുൽ ബാരിയും പറവണ്ണയും ഖുതുബിയും കണ്ണിയത്തും ഇരുന്ന സമസ്ത: മുശാവറയിൽ 'ഇഖ്‌വാനി'കൾ ഉണ്ടായിരുന്നില്ല. 'വഹാബിസം' അത്ര വലിയ കുഴപ്പമൊന്നുമല്ല' എന്നു കരുതുന്നവരും ഉണ്ടായിരുന്നില്ല. സമസ്ത: അകറ്റി നിറുത്തിയ തബ്ലീഗ് ജമാത്തിനെ മഹത്വവത്കരിക്കുന്നവരും ഉണ്ടായിരുന്നില്ല. വരയ്ക്കൽ തങ്ങളും പാങ്ങിലും ശാലിയാത്തിയും അബ്ദുൽ ബാരിയും പറവണ്ണയും ഖുതുബിയും കണ്ണിയത്തും ഇരുന്ന മുശാവറയിൽ ഒരംഗം മറ്റൊരംഗത്തിന്റെ തലപ്പാവ് തട്ടിത്തെറിപ്പിച്ചിട്ടില്ല, ആരും ആർക്കുമെതിരെയും, ആക്രോശിച്ചിട്ടില്ല. സ്ഥാപകർ 'പുണ്യ സമസ്ത' എന്നു സമസ്തക്കു പേരിട്ടിട്ടുമില്ല. വരയ്ക്കൽ തങ്ങളും പാങ്ങിലും ശാലിയാത്തിയും അബ്ദുൽ ബാരിയും പറവണ്ണയും ഖുതുബിയും കണ്ണിയത്തും അടങ്ങുന്ന സ്ഥാപക മഹത്തുക്കൾ പറഞ്ഞിട്ടില്ലാത്ത, ചെയ്തിട്ടില്ലാത്ത നിരവധി കാര്യങ്ങൾ ചെയ്തവരും പറഞ്ഞവരും എങ്ങനെയാണ് പൂർവീകരുടെ പിൻഗാമികളാക്കുക? എങ്ങനെയാണ് നൂറിന്റെ അവകാശികളാകുക? എഴുപതുകളുടെ അവസാനത്തിൽ ആരംഭിച്ച രാഷ്ട്രീയ ഭൗതിക അധിനിവേശ തർക്കത്തിന് 89ൽ റബ്ബിന്റെ ഭാഗത്തു നിന്നു തീർപ്പുണ്ടായി. സമസ്തയിൽ രാഷ്ട്രീയ ഇരട്ടപ്പൗരത്വമുള്ളവരെ മാറ്റി പകരം വരക്കൽ മുല്ലക്കോയ തങ്ങളുടെ പാരമ്പര്യം കാത്തുസൂക്ഷിക്കാൻ താജുൽ ഉലമാ തങ്ങളെയും ശൈഖുനാ എ പി ഉസ്താദിനെയും നൂറുൽ ഉലമാ എം എ ഉസ്താദിനെയും ചുമതലയേൽപിച്ചു. സ്ഥാപകരായ മഹത്തുക്കളുടെ അതേ നിലപാടിൽ കാലുറപ്പിച്ചു നിന്നവർ. അവരാണ് നൂറാഘോഷത്തിന്റെ നേരവകാശികൾ 'രാവും പകലും' എന്നു പറയുന്നതു പോലെ 'ശംസുൽ ഉലമയും കണ്ണിയത്തും' എന്നിങ്ങനെ മുട്ടിനുമുട്ടിനു കൂട്ടിക്കെട്ടിപ്പറയുന്നതെന്തിനാണ്? ശംസുൽ ഉലമയെ കൊണ്ടു മാത്രം പിടിച്ചുനിൽക്കാനാവില്ല എന്ന അപകർഷതാ ബോധം കൊണ്ടാണോ? താജുൽ ഉലമയ്ക്കും എപി ഉസ്താദിനുമെതിരെ1985൹ ശേഷം ശംസുൽഉലമാ പറഞ്ഞതു പോലെ എന്തെങ്കിലും ഒരാക്ഷേപം കണ്ണിയത്തുസ്താദ് പറഞ്ഞിട്ടുണ്ടോ. ഇവർ നയിച്ച സമസ്തക്കെതിരെ ഒരൊറ്റ മോശം പരാമർശമെങ്കിലും.! ഇല്ല; ഇല്ലേയില്ല. 'മുഖം കെടൽ പ്രാർത്ഥന' മിണ്ടരുതെ, അതു പൊളിഞ്ഞു പാളീസായ നുണയാണ്. ✍️ ഒ എം തരുവണ