Елімізде газ тұтынушылар үшін төлем тәртібі өзгеруі мүмкін скачать в хорошем качестве

Елімізде газ тұтынушылар үшін төлем тәртібі өзгеруі мүмкін

Арнаға тіркел / Подпишись на канал:    / @thesevennews   Елімізде газ тұтынушылар үшін төлем тәртібі өзгеруі мүмкін. Мәжіліс депутаттары тиісті заң жобасын талқылады. Құжатқа сәйкес, енді жеке сектор мен көпқабатты үйлерге газ тұтыну лимиті енгізілуі ықтимал. Депутаттардың айтуынша, қазіргі тариф жүйесі тұтыну көлемін толық ескермейді және өңірлер арасындағы айырмашылықты назарға алмайды. Сонымен қатар заң жобасында газ тарату жүйесіндегі делдалдарды қысқарту, қауіпсіздік талаптарын күшейту де қарастырылған. Депутат Еділ Жаңбыршиннің айтуынша, газ тұтынуға қатысты қазіргі баға жүйесі әділетті емес. Өйткені, тариф есептегенде тұрғындардың нақты қанша текше метр газ пайдаланатыны мен қай өңірде тұратыны ескерілмейді. Ал жаңа норма көгілдір отынды үнемдеуге ынтыландырмақ. ИНАРА БАРСАҚБАЕВА, ТІЛШІ: Ал елді газдандыру деңгейі шамамен 64 пайызды құрайды. Депутаттың сөзінше, көгілдір отын жеткілікті көлемде өндірілгенімен, сұраныстың артуы саланың тұрақты дамуына жаңа талаптар қойып отыр. Осыған байланысты халық қалаулылары энергия тиімділігі мен үнемшілдік қағидаттарын кеңінен енгізуді ұсынып отыр. Яғни газды тиімді пайдалану, шығынды азайту және инфрақұрылымды жаңғырту мәселесі басты назарда. Сондықтан заңға түзетулер енгізіп, газ тұтыну көлеміне қарай әртүрлі тариф белгілеу ұсынылып отыр. Яғни белгіленген лимитке дейін бір баға, ал одан асқан жағдайда өзге тариф қолданылуы мүмкін. Мәселен, Батыс Қазақстан облысы үшін айына 800 текше метр көлемінде норма белгілеу ұсынылған. Бұдан бөлек, заң жобасында делдалдың негізсіз араласуына тосқауыл қою мәселесі де қарастырылған. Қазір газ тарату жүйесінде бірнеше компания жұмыс істейді. Бұл өз кезегінде тарифтің қымбаттауына әсер етуде. ЕДІЛ ЖАҢБЫРШИН, МӘЖІЛІС ДЕПУТАТЫ: Осы заңда магистральды құбырдан тұрғындарға дейін тартылатын газ тарату жүйесінде тек 1 газ таратушы ұйым болуы керек деген норманы қабылдадық. Қазіргі таңда 30 газ таратушы ұйым бар. Оның 27-сі осы заңның талабына сәйкес келеді. Тек үшеуі талапқа сәйкес келмейді. Газ тапшылығы сезіліп отырған өңірлер де аталды. Қостанай мен Семей облысында бұл мәселе өзекті. Қазір Қарталы – Рудный – Қостанай бағытында газ құбырын тарту жұмыстары жүріп жатыр. Ал Ырғыз бен Торғай өңірлерін көгілдір отынмен қамту бойынша магистральды құбыр жеткізілген. Инфрақұрылымдық жоба жергілікті атқарушы органдардың қаражаты есебінен іске асырылады. ҚАЙЫРХАН ТҰТҚЫШБАЕВ, ЭНЕРГЕТИКА ВИЦЕ-МИНИСТРІ: Шығыс қазақстан өңірлері туралы айтатын болсақ, екі тараппен шешіледі. Жоспар бойынша Ресей және Қытай тараптарымен өткізіліп жатқан келіссөздер арқылы ШҚО-да құбыр егер өтетін болса, Абай облыстарын газбен қамтуға мүмкіндік берер еді. Дизель отынына қатысты жағдай да күрделі. Жыл сайын 650-700 мың тоннаға дейін тапшылық туындайды. Вице-министр Қайрат Тұтқышбаевтың айтуынша, бұл мәселе мұнай өңдеу зауыттарын кеңейту арқылы шешіледі. 2030 жылға дейін үш зауыт жаңғыртудан өтпек. Газдандыру саласын жетілдіруге бағытталған жаңа нормалар енді Мәжілісте екінші оқылымда талқыланады. --------------------------------------------- Официальный сайт «Седьмого канала» https://tv7.kz/ru/ Instagram:   / tv7_kz   TikTok:   / tv7_kz   Facebook:   / tv7kz   Telegram: https://t.me/tv7_kaz #Жаңалықтар #жаңалықтар2026 #жаңалықтаржетіншіарна #Жетіншіарна #седьмойканал #7канал